Fillimi i një ëndrre - Business Magazine Albania

Fillimi i një ëndrre

Nga Ambra Hysa

Të ndërtosh diçka mbi pasionin tënd dhe ajo që ti je, të reflektohet si puna jote mendoj që përveçse privilegj është guxim.

Besoj vazhdimisht se gjithçka fillon nga një ëndërr, por duhet të ketë një plan, me sytë e mëndjes duhet hartuar një plan, në mënyrë që kjo ëndërr të “ecë me këmbët e saj” e të bëhet gati për një rrugëtim të gjatë dhe me shumë sfida.

Një ëndërr e mbetet një dëshirë në sirtar, ndërsa një ëndërr e planifikuar mirë quhet VIZION.

Gjithçka që ne shohim rreth nesh, ka qënë më përpara thjesht një mendim….dikush ka menduar për të realizuar karrigën ku jemi ulur, kompjuterin apo celularin që mbajmë në dorë dhe çdo herë është dukur e pamundur, përpara se të realizohej.

Është dashur vizion dhe këmbëngulje, për të parë diçka që nuk ekziston, për ta bërë të pamundurën të mundur dhe ëndrrën realitet.

E pëlqej shumë shprehjen “Gjithmonë do të duket e pamundur, derisa t’i ia del”, sepse kjo është e vërteta, në jetë kështu funksionon.

Investimi në mendësi, sipas meje është me rëndësi në biznes po aq sa studimi i tregut, puna dhe disiplina.

Gjithmonë kam ëndërruar të jem një sipërmarrëse. Kjo dëshirë ishte brenda meje që fëmijë dhe të gjitha rrugët më udhëzonin vazhdimisht drejt pasionit tim.

Nisi me një hap të vogël dhe unë jam ende në hapin tim të parë, por me vizionin e qartë se ku dua të shkoj, pavarësisht pengesave, sfidave, vështirësive dhe dështimeve.

Mendësia e suksesit është në vetvete një qëndrim, është jeta e përditshme dhe qasja jonë ndaj problematikave të saj.

Nuk besoj se ne mund të jemi të suksesshëm në shërbimin ndaj klientëve, nëse së pari nuk jemi entuziastë apo optimistë për vlerën që japim, jo produktin që tregtojmë.

Entuziazmi është ngjitës, është arsyeja përse klientët na besojnë dhe tërhiqen si magnet drejt shërbimeve tona. Nëse nuk ka entuziazëm, nuk ka sukses.

Lexo: Dhjetë ide biznesi që mund t’ju bëjnë milioner në 2021

Pasioni dhe dashuria për punën që bëjmë, është vërtet një çelës suksesi.

Nëse në punën tonë kemi vendosur zemren, atëherë ajo do të na udhëzojë drejt një përkushtimi që i kalon pritshmëritë.

Gjithçka fillon me një hap të vogël dhe me besim, e rëndësishme është të fillosh, pikërisht atëherë kur nuk je gati, sepse gati nuk mund të jesh asnjëherë.

Vetëm kur ta kuptojmë ketë kemi filluar mbarë dhe ndoshta jemi në gjysmë të rrugës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0