Ndonëse shumica prej nesh jemi zakonisht në kërkim të blerjes së një makine të re, ose pak të përdorur, disa të tjerë janë gati të puguajnë shuma të mëdha për të poseduar disa copëza historie.
Ky është rasti i një Ferrari 365 GTB/4, e braktisur për më shumë se 40 vjet dhe më në fund, sapo është bërë me një pronar të ri, i cili shpresojmë të kujdeset pak më shumë për të.
Pak muaj më parë, modeli i njohur gjithashtu me emrin “Daytona“, u prezantua si pjesë e një ankandi e organizuar nga kompania e njohur në të gjithë botën RM Sotheby’s. Eventi u mbajt në pistën e Maranello-s si pjesë e festimeve të Ferrari për 70 vjetorin e kompanisë.
Makina me numër shasie 12653 ka dalë nga linja e prodhimit në Qershor të vitit 1969. Emri i ngjyrës së pjesës së jashtme të saj është Rosso Chiaro dhe salloni i saj është ngjyrë e zezë, me material lëkurë. Ajo ka ndërruar shumë pronarë në fillimin e viteve 70, më pas u importua për në Japoni. Atje ajo ndryshoi disa pronarë të tjerë, derisa përfundoi në duart e Makoto Takai. Ajo e mbajti makinën të pa prekur për rreth 40 vite në një garazh.
Lexoni: Fundi i të qënit pronar i makinës tënde
Pas “zhdukjes” së saj, u diskutua se ajo makinë kurrë nuk ka ekzistuar, ose ka humbur përgjithmonë. Në Qershor 2017, një skuadër e Ferrari e ka inspektuar makinën dhe ka provuar autentikitetin e saj. Ajo ende ishte në gjendjen e saj fillestare, gjithashtu edhe me një rrotë rezervë të papërdorur.
Ky ekzemplar, është një model i veçantë i quajtur Ferrari 365 GTB/4 Alloy. Kjo sepse është e vetmja makinë e mbaruar me 100% të paneleve prej alumini. Praktikisht, ajo është unike në llojin e saj dhe mund të konsiderohet si një “1 of 1”.
Ajo u prezantua në këtë ankand në gjendjen e saj që nga gjetja, e pa pastruar dhe e mbuluar nga dheu.
Zyrtarisht, kjo makinë u bë Daytona coupe më e shtrenjtë e shitur ndonjë herë në një ankand. Pronari fatlum i ri i saj, ishte i gatshëm të paguante 1.807.000 Euro për të. Ky çmim, nuk përfshin çmim e pastrimit në detaj të legjendares Italiane.
Burimi: Ferrari Magazine
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
