‘Reality show’ më i ri që pritet të fillojë së shpejti në ekranin shqiptare është “Ferma”. Ky ‘reality shoë’, i krijuar në Suedi në vitin 2011 nga Strix dhe i shitur më pas në 40 shtete, do të transmetohet në Vizion Plus dhe do të bëjë të mundur që gjithë VIP-at të lënë komoditetin e jetës së tyre dhe të zhvendosen për 3 muaj në një fermë, ku do të mjelin lopët dhe do të punojnë tokën.
“Ferma” vjen në Shqipëri falë producentes Holta Dulaku. Ky ‘reality show’ do të jetë në versionin VIP, dhe tashmë produksioni ka filluar punimet për realizimin dhe krijimin e stafit realizues që do të përzgjedh edhe personazhet që do të shkelin në fermën e parë shqiptare.
Formati parashikon që një grup me persona të famshëm VIP, të cilët do të zhvendosen në një fermë ku ka vetëm kafshë dhe vegla për të punuar tokën dhe për të bërë punët e fermës. Çdo javë ka nominime dhe konkurrentët eliminohen nëpërmjet televotimit nga publiku. Në finale tre ose katër konkurrentët e mbetur do të konkurrojnë për çmimin e madh një shumë parash të paracaktuar nga produksioni.
Lexo: CEO i LinkedIn ndan këshillat e tij për ndërtimin e karrierës në 2024
The Farm – Ferma do të transmetohet non stop në vëzhgimin e telekamerave në një kanal me pagesë në platformën Tring.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
