Facebook ka vendosura rregulla të reja mbi reklamimin e fushatës zgjedhore në SHBA, dezinformimin dhe shtypjen e votuesve. Këto rregulla erdhën si përgjigje të ankesave nga udhëheqësit e të drejtave civile dhe kritikëve të tjerë.
Facebook tha se do të ndalojë reklamat e reja politike shtatë ditë para zgjedhjeve, megjithëse reklamat e vendosura më herët mund të vazhdojnë të shfaqen. Ai gjithashtu do të zgjerojë përpjekjet e tij për të hequr përmbajtjen që mund të shërbejë për të shtypur votimin.
Kompania do të etiketojë postimet që sugjerojnë se votimet janë një proces ku votuesit mund të infektohen me COVID-19, siç bëri Trump në Twitter. Gjithashtu, Facebook do të krijojë një etiketë për postimet nga kandidatët, që përpiqen të pretendojnë fitore para rezultatit zyrtar të zgjedhjeve.
Lexoni: Mjeti i ri i Microsoft identifikon fotot dhe videot e manipuluara
CEO i Facebook, Mark Zuckerberg shprehet i shqetësuar edhe për një sfidë unike që votuesit amerikanë do të përballen këtë vit, për shkak të situatës së pandemisë, e cila ka nxitur një rritje të votimit me postë.
“Unë jam i shqetësuar se me kombin tonë kaq të ndarë dhe rezultatet e zgjedhjeve, që potencialisht duhen ditë ose javë për t’u finalizuar, mund të ketë një rrezik në rritje të trazirave civile në të gjithë vendin”.
Shumë ekspertë të komunikimit kanë ngritur alarmin mbi situatën e deziformimit, që lidhet me teoritë konspirative rreth rezultateve zyrtare, të cilat të mos jenë të disponueshme menjëherë natën e zgjedhjeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
