Facebook lançon aplikacionin e saj të parë dedikuar realitetit virtual, Facebook 360 - Business Magazine Albania

Facebook lançon aplikacionin e saj të parë dedikuar realitetit virtual, Facebook 360

~4 minuta lexim


Facebook i ka kushtuar burime të mëdha dhe miliarda dollarë realitetit virtual, por ka patur një vijë shumë të qartë ndryshimi mes asaj që ndodh në aplikacionin kryesor Facebook dhe asaj se çfarë ndodh në “Oculus Rift” dhe “Gear VR”.

Sot, Facebook është duke ndërthurur botën reale dhe atë virtuale duke lançuar aplikacionin e saj të parë të dedikuar, “Facebook 360”. Aplikacioni do të shërbejë si një qendër për videot 360° dhe për përmbajtjen e postuar në këtë faqe interneti.

Facebook mburret se ka patur më shumë se një milionë video 360° të postuara në faqen e internetit së bashku me më shumë se 25 milionë fotografi 360 deri më sot. Në fillim, aplikacioni “Facebook 360” do të jetë në dispozicion vetëm për syzet virtuale “Gear VR”. Përdoruesit mund ta shkarkojnë aplikacionin në “Oculus Store”.

Në fillim, Facebook 360 do të shfaqë katër rubrika kryesore duke dhënë përmbajtjen në shikimet e përdoruesve më afër se kurrë. Seksioni “Explore” do t’i japë përdoruesve një vështrim perspektiv të përgjithshëm për përmbajtjen 360 që është e njohur në të gjithë Facebook-un nga një shumëllojshmëri kompanish mediatike dhe krijuesish.

Ndërkohë, seksioni “Following” do të ju lejojë të kërkoni për përmbajtjen që është duke u postuar nga miqtë tuaj. “Saved” ju jep mundësi për të përjetuar përmbajtjen 360 që ju mund ta keni parë në internet në një përvojë 3D , ndërkohë që “Timeline” ju lejon të shikoni fotot tuaja 360 dhe videot të gjitha në një vend.

Aplikacioni do t’i lejojë përdoruesit të reagojnë kundrejt postimeve dhe gjithashtu do të jenë në gjendje të ruajnë dhe të ndajnë fotot 360 dhe videot. Facebook tha në një postim në blog që më shumë karakteristika sociale do të vendosen së shpejti në aplikacionin e parë zyrtar të kompanisë.

Muri i ndarjes mes Facebook dhe Oculus është pak “i errët”. Me aplikacionin e fundit, Facebook është duke shtuar forcën e videove të saj mbi aplikacioni “Oculus Video”, e cila më parë ka qenë një vend shumë i vizituar për përdoruesit e “Gear VR” për t’u angazhuar me video nga Facebook.

Ndërsa Facebook vazhdon të punojë në suitën e vet të karakteristikave sociale të VR është e qartë se kompania ka një vizion të madh në mendje për të sjellë rreth 2 miliardë përdorues të tij në botën e realitetit virtual dhe ky aplikacion mund të jetë një nga hapat e tyre të hershëm.

Burimi: techcrunch.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndryshimi është ligji i jetës.”
— John F. Kennedy
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0