Facebook dhe Microsoft arrijnë barazinë gjinore në shpërblimet e punonjësve! - Business Magazine Albania

Facebook dhe Microsoft arrijnë barazinë gjinore në shpërblimet e punonjësve!


 

A e dini se cila do të ishte gjëja më e mirë? Eleminimi i diferencës së pagave ndërmjet meshkujve dhe femrave në vendin tuaj tё punës.

Facebook ka shpallur të Hënën se ka arritur në mënyrë të plotë barazinë e rrogave ndërmjet punonjësve meshkuj dhe femra, që do të thotë se në kompani nuk ka diferenca domethënëse në të ardhurat e marra nga meshkujt dhe femrat me eksperienca dhe role të ngjashme.

“Ne rregullisht shqyrtojmë praktikat e kompensimeve tona për të siguruar barazinë në shpërblime, dhe këtë e kemi bërë me vite,” ka thënë Lori Matloff, zëvendës Presidente e Facebook në një postim të saj. “Jam krenare të ndaj me ju se në Facebook, meshkujt dhe femrat fitojnë njësoj.”

Lajmërimi vjen në vigjilje të Ditës së Pagave të Barabarta, një event vjetor për të rritur ndërgjegjësimin kundër pabarazisë në rroga ndërmjet meshkujve dhe femra që punojnë në punë të ngjashme. Të dhënat statistikore të referuara nga mbrojtësit e “kauzës” tregojnë se ende femrat fitojnë vetëm 78% të të ardhurave që realizon një mashkull.

Megjithatë, pavarësisht se nuk është tipike për industrinë e teknologjisë, barazia e shpërblimeve midis femrave dhe meshkujve nuk ekziston.

Përveç Facebook, Microsoft gjithashtu zbuloi ditën e Hënë se ka eleminuar pothuajse tërësisht hendekun e shpërblimeve ndërmjet gjinive në mesin e punonjësve të kompanisë. Femrat në Microsoft tani fitojnë 99.8 për qind mesatarisht për çdo dollar që fiton një punonjës mashkull në Microsoft.

“Këto shifra reflektojnë angazhimin tonë për shpërblim të barabartë për punë të barabartë, dhe unë jam e inkurajuar nga këto rezultate,” ka shkruar në një postim në blog Kathleen Hogan, zëvendës Presidente ekzekutive e Burimeve Njerëzore në Microsoft. “Deklarimi ynë sot është një hap përpara në rrugën e progresit të diversitetit dhe përfshirjes më të gjerë në Microsoft, dhe në shoqërinë si një e tërë.”

Më herët gjatë këtij viti, ka qenë edhe Intel që ka deklaruar se ka arritur 100% barazi ndërmjet meshkujve dhe femrave në vendin e punës për 2015-n, herë e cila ka qenë e para ndonjëherë për të analizuar këtë të dhënë.

“Ishte një surprizë lumturuese dhe drithëruese,” ka thënë drejtuesja e nivelit tё lartë përgjegjëse për diversitetin dhe përfshirjen në Intel, Danielle Brown në një intervistë për Mashable.

Por ka qenë edhe CEO i Apple, Tim Cook, i cili ka informuar aksionerët që punonjëset femra të Apple në SHBA fitonin 99.6 për qind të çdo dollari të fituar nga kolegët e tyre meshkuj.

Për industrinë e teknologjisë kёto duken të dhëna të mprehta, kompani të cilat publikisht kanë qenë në përpjekje tё vazhdueshme për të përmrësuar shifrat e tyre në lidhje me diversitetin e brendshëm.

 

/Publikuar më parë nga Mashable.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0