Elon Musk mund të rregullojë krizën e energjisë në 100 ditë. Ja se si.


Themeluesi i Tesla, Elon Musk bërë disa premtime të mëdha në Twitter ditën e Premte, për ruajtjen e energjisë së rinovueshme në shtetin e Australisë Jugore. Ai tha se kompania mund të ndërtojë “magazina” me kapacitet 100 megavat në 100 ditë dhe qeveria është duke i dhënë shansin për ta provuar.

Të Martën, qeveria e Australisë së Jugut njoftoi se do të financojë një projekt rrjeti të lidhur me bateri për t’i siguruar shtetit ruajtje të energjisë si pjesë e një plani të gjerë të energjisë. Qeveria do të krijojë një fond prej 150 milionë $ për të mbështetur projektet e energjisë së rinovueshme.

Në një konferencë për shtyp, Kryeministri i shtetit, Jay Weatherill, tha se një numër i madh ofruesish ka folur me qeverinë në lidhje me projektet e baterisë, por Musk do të “ftohet direkt” për të marrë pjesë në procesin e tenderit.

Një zëdhënës i Tesla tha se kompania do të punojë me grupet e interesit gjatë ditëve të ardhshme mbi “mënyrën më të mirë për të ofruar këtë mundësi emocionuese”.

“Tesla është e ngazëllyer nga entuziazmi i treguar nga grupet e interesit në tregun australian të energjisë për angazhimin nga ana e Tesla për të vendosur objekte të mëdha magazinimi në Australinë e Jugut për të rritur besueshmërinë e rrjetit dhe përballueshmërinë për konsumatorët duke përshpejtuar tranzicionin e qëndrueshme të energjisë në një të ardhme,” tha ai.

“Saga” Musk filloi në një konferencë shtypi për produktin e saj të baterisë, ku zëvendëspresidenti për produktet e energjisë në Tesla, Lyndon Rive, mburrej se kompania mund të ndërtojë një magazinë për ruajtjen e energjisë në 100 ditë, që do të parandalonte një ndërprerje të madhe të energjisë, të ngjashme me atë të Shtatorit të vitit 2016.

“Ne patëm një sfidë të ngjashme në jug të Kalifornisë,” tha ai. “Ne ndërtuam magazina energjie me 80MW në 90 ditë. Kjo është diçka e padëgjuar më parë”.

Ideja u kap nga bashkëthemeluesi i software-it gjigand australian “Atlassian”, Mike Cannon-Brookes, i cili i shkruajti Musk në Twitter dhe e pyeti nëse ai e kishte seriozisht në lidhje me realizimin e këtij projekti në 100 ditë. Ai ishte, me sa duket.

Një stuhi “tweets” vazhduan, duke rezultuar në diskutime mes Musk, Weatherill dhe kryeministrit të Australisë, Malcolm Turnbull.

“Z. Musk bëri një ndërhyrje dramatike,” komentoi Weatherill. “Ai sigurisht na ka vënë në hartën rrugore ndërkombëtare në lidhje me teknologjinë e energjisë së pastër.”

Burimi: mashable.com 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale