Ekzistojnë disa arsye pse CEO i SpaceX dhe Tesla u vlerësua si më frymëzuesi. Një nga këto arsye është fakti që Musk nuk frikësohet t’i vendosë vetes qëllime të mëdha.
Lexoni: Ja pse nuk duhet t’ju interesojë sa orë punon Elon Musk
Në një kohë kur ideja e fluturimit privat hapësinor konsiderohej e çmendur, ose ideja e një makine elektrike konsiderohej e papranueshme, me vendosmërinë e Musk-ut këto gjëra tani janë bërë realitet. Musk ka një tendencë të mos i mbajë premtimet për shkak të optimizmit të tij, por gjithsesi ai i përmbush ato, edhe pse pak vonë.
Lexoni: Elon Musk: Pronarët e Tesla mund të fitojnë $ 30,000 në vit me projektin robotaxi
Një arsye tjetër e cilësive frymëzuese të Musk-ut është mungesa e hezitimit të tij për të vendosur veten në rrezik. Gjatë ditëve të para të SpaceX, Musk investoi gjithçka në suksesin e kompanisë hapësinore dhe udhëhoqi Tesla-n gjatë krizës financiare të vitit 2008.
Musk kurrë nuk e ka braktisur këtë zakon. Ai fjeti në një divan në njërën prej dhomave të konferencave të fabrikës së Tesla-s, kur kompania po përballej me probleme të mëdha. Kur u pyetën pse vendos ta fusë veten në rrezik, ai u tregua i sinqertë.
“Arsyeja që fjeta në dysheme nuk ishte se unë doja që rrethanat e mija të ishin qëllimisht më të vështira se kushdo tjetër në kompani. Çfarëdo dhimbjeje që ndjenë ata, unë doja që imja të ishte më e madhe. Kjo është arsyeja pse e bëra këtë”, tha ai.
E njëjta gjë vlen për përmirësimet e kompanisë në teknologjinë e saj Autopilot. Në një deklaratë për shtypin, anëtarët e ekipit të zhvillimit të kësaj teknologjie zbuluan se Musk përdor veten si subjektin kryesor të testimit për sistemet e kompanisë. Kjo rezulton në një rrezik për CEO-n, sa anëtarët e ekipit deklaruan se Musk e gjen veten në “situata në të cilat shumë prej nesh nuk do të dëshironin të futeshin”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
