Ja pse nuk duhet t'ju interesojë sa orë punon Elon Musk
Përditësuar së fundmi: 02/09/2019

Ja pse nuk duhet t’ju interesojë sa orë punon Elon Musk

Share
nga Eridon Elshani
Sht 02, 2019
-Manages Business Mag Kosovo -Studies Philosophy at University of Prishtina
lexo me teper >

Ju me siguri keni dëgjuar për sipërmarrësin e famshëm Elon Musk. Dhe ka të ngjarë të biem dakord që disa njerëz e shohin atë si gjeni, ndërsa të tjerët mendojnë se ai po i vë në rrezik bizneset e tij.

Por, nuk ka asnjë argument për etikën e punës së Musk-ut. Ai punon mbi 100 orë në javë dhe e ka pranuar se ky zakon nuk i ka sjellë shumë lumturi.

Ju lutemi mos e humbni kohën tuaj duke bërë të njëjtën gjë

Duhet të keni një model në jetën tuaj. Të gjithë kemi nevojë për frymëzim dhe këshilla. Por, problemi është se ju nuk duhet ta krahasoni veten me Musk, ose dikë tjetër. Biznesi juaj mund të kërkojë gjëra shumë të ndryshme nga ato të Musk. Delegimi mund të jetë më i përshtatshëm për ju sesa për Musk-un. Trupi juaj mund të mos e trajtojë mëngjesin (ose mungesën e tij) që merr trupi i tij. Pasionet tuaja gjithashtu mund të jenë pak a shumë të ndërlikuara. Aftësitë dhe përvojat tuaja janë gjithashtu unike.

Realiteti është, se nuk ka rëndësi çfarë bën dikush tjetër. Ajo që ka rëndësi është që të keni objektiva të qarta që ju sfidojnë gjithmonë, që ju ndihmojnë të rriteni, që duken interesante për ju. Ajo që ka rëndësi është që ju të arrini maksimumin tuaj çdo ditë, pa i marrë parasysh rrethanat.

Ne mendojmë se suksesi do të thotë të mos pushosh kurrë, të kesh një titull, të ngjitësh shkallët. Por kjo thjesht nuk është e vërtetë. Suksesi i vërtetë do të thotë të jesh i lumtur me veten dhe ata përreth jush dhe të keni një ndikim pozitiv në shoqëri. Kjo lumturi dhe ky ndikim mund të vijnë nga një ndërthurje gati e pafundme shtigjesh.

Prandaj, merrni këshillën e Bruce Lee dhe ndaloni krahasimet me të tjerët. Shikoni përreth, shikoni çfarë dëshironi dhe çfarë mund të bëni. Pastaj thjesht angazhohuni të jeni versioni më i mirë i vetes dhe suksesi do të vijë.

INC