Brenda një viti do të arrihet lidhja e trurit të njeriut me kompjuterin. Premtimi mbërrin nga Elon Musk, i cili flet për kompaninë e tij të fundit ‘Neuralink’ dhe eksperimentet që nisin së shpejti.
Neuralink, e cila u themelua në vitin 2016, është kompania e teknologjisë nervore të Musk, që po zhvillon një implant për të ndërhyrë direkt në trurin e njeriut. Lajmi, është dhënë nga vetë kreu i ‘SpaceX’ në një intervistë në podcastin e Joe Rogan.
Objektivi, sipas Musk, është shfrytëzimi i informatikës për riparimin e zonave të trurit të dëmtuara nga incidente apo sëmundje neurologjike, pra për t’i rikthyer në këtë mënyrë funksionalitetet e humbura pacientëve.
Nëse një pacient vuan nga alzheimer, me këtë lloj teknologjie dhe lidhjen tru-kompjuter, mund t’i rikthehet memorja dhe kujtimet, ndërsa për një njeri që ka pësuar dëmtime në shtyllën kurrizore mund t’i rikthehet aftësia për të lëvizur këmbët apo duart. Sipas projektit, teorikisht duhet të hiqet një pjesë e vogël e kafkës prej rreth 2 cm, dhe aty do të montohet një pajisje e vogël që do të shërbejë për këtë lidhje me teknologjinë.
Lexoni: NASA miraton fluturimin e parë hapësinor me një raketë amerikane SpaceX
“Ende ka shumë punë për të bërë,” tha Musk kur foli me Rogan. “Unë mendoj se brenda një viti do të kemi mundësi ta realizojmë këtë, duke iu rikthyer njerëzve disa nga funksionalitetet, që ata kanë humbur”. “Çipi potencialisht mund të përdoret për të rikthyer shikimin, dëgjimin dhe lëvizjen e gjymtyrëve përveç adresimit të sëmundjeve që ndikojnë në tru”, pohon Musk.
Pajisja do të implantohet direkt në kafkë për të mundësuar që fijet e elektrodës të ndërlidhen me zona të caktuara të trurit, sipas Musk.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
