Pas kalimit me sukses të fazës së aplikimit me 336 aplikime nga 56 vende të ndryshme, Raiffeisen Bank International (RBI) ka punuar intensivisht me pesë starup-et, që nga Tetori i vitit 2017 si pjesë e programit fintech akselerator “Elevator Lab”. Fokusi ishte në fushat e Big Data Analytics (Gauss Algorithmics), Branch of the Future (Moxtra), Pagesat & Transaksionet (SONECT), RegTech (360kompany) and SME Banking (Asteria). Gjatë fazës së provës së konceptit, pesë projektet pilot u zhvilluan dhe u testuan me sukses në Austri dhe në 4 tregje të tjera në Europën Qendrore dhe Lindore (CEE).
“Ne do të vazhdojmë bashkëpunimin e suksesshëm që filluam me Elevator Lab. Tani po kalojmë nga faza pilot në fazën e zbatimit dhe po planifikojmë që këto inovacione të jenë në dispozicion të 16.5 milionë klientëve tanë në Austri dhe Europën Qendrore dhe Lindore. Organizata jonë ka marrë përvojë të vlefshme nëpërmjet Elevator Lab, gjë që na ndihmon që sot të jemi të pozicionuar në mënyrë ideale në biznesin bankar të së nesërmes,” tha Johann Strobl, drejtori ekzekutiv i RBI.
Elevator Lab fillon raundin e dytë të aplikimeve në datën 1 Maj 2018
Suksesi dhe zbulimet e Elevator Lab e bindën RBI-në se ishte vendimi i duhur për të hapur mundësitë e bashkëpunimit me startup-et. Për këtë arsye, Grupi i RBI do të fillojë një raund të dytë aplikimesh më 1 maj 2018. E reja e këtij raundi është që 7 banka të rrjetit RBI, përkatësisht ato nga Shqipëria, Bjellorusia, Bullgaria, Kosova, Rumania, Rusia dhe Sllovakia, do të targetojnë ekosistemet fintech në tregjet e tyre me “Elevator Lab Challenges”.
Përveç një workshop-i për startup-et në Elevator Lab në Vjenë, fituesit do të marrin edhe një “wild card” për gjysmëfinalet e Elevator Lab dhe mundësinë për t’u ftuar në Vienë për finalen e TOP 15 në muajin Shtator.
Rreth RBI
Raiffeisen Bank International AG (RBI) i përket si Austrisë, në të cilën ndodhet korporata dhe banka lider e investimit, ashtu edhe Europës Qendrore dhe Lindore (CEE) si tregu kryesor. 14 tregjet e rajonit mbulohen nga bankat filiale. Përveç kësaj, Grupi RBI përfshin shumë ofrues të tjerë të shërbimeve financiare, për shembull në leasing, menaxhim të aseteve ose M&A (Mergers and acquisitions).
Në total, më shumë se 50,000 punonjës u shërbejnë rreth 16.5 milionë klientëve nëpërmjet 2,400 njësive të biznesit, shumica e të cilave ndodhen në rajonin e Europës Qendrore dhe Lindore. Aksionet e RBI janë të listuara në Bursën e Vjenës. Bankat rajonale Raiffeisen zotërojnë rreth 58.8 % të aksioneve, pjesa tjetër e mbetur është në qarkullim të lirë. Brenda Grupit Bankar Austriak Raiffeisen (RBG), RBI është institucioni qendror i bankave Raiffeisen në rajon dhe institucioneve të tjera të lidhura me kreditimin dhe bën shërbime të rëndësishme në këtë funksion.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English