Ekspozohen të dhënat e miliona përdoruesve të Facebook - Business Magazine Albania

Ekspozohen të dhënat e miliona përdoruesve të Facebook


Një tjetër ditë, një tjetër skandal privatësie për Facebook.

Qindra miliona të dhëna të përdoruesve të Facebook, përfshirë disa fjalëkalime të thjeshta tekstesh, u gjetën të ekspozuara në internet falas dhe të hapura për t’u akesuar, raporton UpGuard, një kompani për vlerësimin e riskut të sigurisë kibernetike, e cila vë në dukje në një njoftim për shtyp të datës 3 Prill se grupet e të dhënave në fjalë janë konfiguruar për shkarkim publik. Po, kjo do të thotë se kushdo që e dinte se ku mund të shikonte, mund t’i kishte marrë ato.

Lexoni: Mark Zuckerberg: “Interneti ka nevojë për rregulla të reja. Le të fillojmë me këto 4 çështje.”

Në zemër të çështjes janë të dhënat e depozituara në Amazon S3 që përmbajnë informacionet e përdoruesve të Facebook. Një grup i tillë, nga Cultura Colectiva, thuhet se kishte “540 milionë rekorde që përmbanin komentet, pëlqimet, reagimet, emrat e llogarive, ID-të e FB dhe më shumë.”

Sipas UpGuard, grupi i dytë i të dhënave, ishin nga një aplikacion i palës së tretë i quajtur ‘At the Pool’, që përmbante kolonat për fk_user_id, fb_user, fb_friends, fb_likes, fb_music, fb_movies, fb_books, fb_photos, fb_events, fb_groups, fb + checkins, fb_interests, passwords dhe më shumë.”

Me fjalë të tjera, me sa duket një sasi jashtëzakonisht e madhe e të dhënave, janë ekspozuar.  Ju nuk i ripërdorni fjalëkalimet tuaja nëpër faqe dhe aplikacione të ndryshme apo jo?

Duhet kuptuar se këto të dhëna nuk janë më në kontrollin e Facebook, pasi ju vetë lejoni që aplikacionet e palëve të treta të grumbullojnë informacionet tuaja kryesore. Në thelb kompania humbet kontrollin e tyre. UpGuard tha se njoftoi Cultura Colectiva rreth të dhënave të ekspozuara, me një email më 10 Janar të këtij viti, por nuk ka marrë ende një përgjigje nga kompania.

UpGuard shkruan se vetëm kur Bloomberg arriti të komunikonte me Facebook më 3 Prill të dhënat u siguruan përfundimisht. Nga ana tjetër, grupi i të dhënave në ‘At The Pool’, u nxorr offline mrekullisht menjëherë pasi UpGuard e zbuloi atë.

Lexoni: E vërteta brutale rreth Mark Zuckerberg që askush nuk dëshiron ta pranojë

Ne gjithashtu i kërkuam kompanisë të deklaronte se si synon të parandalojë këtë lloj dështimi të privatësisë së aplikacioneve të palëve të treta në të ardhmen.

Një zëdhënës i Facebook dha deklaratën e mëposhtme si përgjigje:

Politikat e Facebook ndalojnë ruajtjen e informacionit të Facebook në një databazë publike. Sapo u njoftua për çështjen, ne kemi punuar me Amazon për të marrë bazat e të dhënave. Ne jemi të angazhuar për të punuar me zhvilluesit në platformën tonë për të mbrojtur të dhënat e njerëzve.

burimi: Mashable

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0