Vlera neto e pasurisë së Tim Cook, CEO-s së Apple ka kapërcyer vlerën e 1 miliard dollarëve. Ndërkohë që drejtuesit e kompanive teknologjike janë bërë miliarderë falë kompanive që kanë themeluar me Tim Cook nuk ka ndodhur e njëjta gjë.
Ai mori drejtimin e Apple 9 vite më parë, pas ndarjes nga jeta të themeluesit Steve Jobs. Statusi i tij prej miliarderi u përllogarit nga Indeksi i Miliarderëve të Bloomberg.
Apple, Amazon, Facebook dhe shumë kompani të tjera teknologjike kanë rritur fitimet e tyre ndjeshëm gjatë pandemisë së koronavirusit.
Apple po i afrohet ngadalë rekordit të 2 trilionë dollarëve. Dy vite më parë u bë kompania e parë me vlerë 1 trilionë dollarë. Javën e kaluar, pasuria e themeluesit të Facebook Mark Zuckerberg kaloi shifrën e 100 miliardë dollarëve.
Lexoni: Pasuria e Mark Zuckerberg kalon 100 miliardë dollarë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
