Pasuria e Mark Zuckerberg kalon 100 miliardë dollarë

Mark Zuckerberg

Vlera neto e pasurisë së themeluesit të Facebook, Mark Zuckerberg kaloi 100 miliardë dollarë për herë të parë të enjten pasi Facebook Inc. lançoi opsionin Reels. Ditën e mërkurë Facebook lançoi në 50 vende të botës Instagram Reels, rivalin dhe kopjen e aplikacionit kinez TikTok. Menjëherë pas lajmit aksionet e Facebook u rritën me 6% ditën e enjte. Lançimi i Instagram Reels erdhi në një moment kritik ndërsa SHBA po përgatitet të ndalojë TikTok në SHBA.

Lexoni: Instagram prezanton kopjen e Tik Tok

36-vjeçari i bashkohet njerëzve më të pasur të teknologjisë Jeff Bezos dhe Bill Gates si njerëzit e vetëm në botë që aktualisht kanë statusin e centibiliarderit, sipas Indeksit të Bloomberg Billionaires. Pasuria e Zuckerberg rrjedh kryesisht nga 13% e aksioneve të tij në Facebook.

Mark Zuckerberg

Njerëzit më të pasur në fushën e teknologjisë janë vënë në qendër të vëmendjes kohët e fundit ndërsa kompanitë dhe pushteti i tyre mbi jetët e përdoruesve ka marrë përmasa të frikshme.

Facebook, Amazon, Apple dhe Google kanë qenë përfituesit më të mëdhenj nga izolimi si pasojë e COVID-19. Vetëm gjatë vitit 2020 pasuri e Zuckerberg është shtuar me 22 miliardë dollarë ndërsa pasuria e Bezos me 75 miliardë dollarë.

Titanët e teknologjisë, përfshirë Zuckerberg, janë vënë nën presion nga ligjvënësit amerikanë dhe evropianë për influencën e tyre dhe shihen si të dalë jashtë kontrolli.

Pesë kompanitë teknologjike Amerikane Apple, Amazon, Alphabet, Facebook dhe Microsoft kanë një vlerës tregu të barabartë me 30% të GDP-së së Shteteve të Bashkuara të Amerikës.

Bloomberg

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale