Instagram-i prezantoi shërbimin e tij të ri, Reels, duke shtuar një opsion në aplikacionin ekzistues që do t’i lejojë përdoruesit të bëjnë dhe shikojnë video të shkurtra – ashtu si TikTok.
Lançimi i Reels vjen vetëm një javë pasi CEO i Facebook Mark Zuckerberg, është përballur me pyetje të ashpra rreth shprehisë së kopjimit të rivalëve më të vegjël, përgjatë një seance në Kongresin amerikan më 29 korrik.
Ndërkohë, TikTok po përballet me pasoja politike, pasi administrata Trump ka bërë presion ndaj kompanisë mëmë, ByteDance, për shkak të shqetësimeve të sigurisë kombëtare, shkruan Washington Post.
Ashtu si TikTok, Reels lejon përdoruesit të xhirojnë dhe modifikojnë video, si edhe të shtojnë muzikë. Dallimi më i madh duket se është gjatësia e videos – TikTok lejon videot deri në 60 sekonda, ndërsa Instagram i lejon ato në 15 sekonda. Koha e lançimit është e rastësishme, tha shefi i Instagram, Vishal Shah dhe tipari ka qenë në zhvillim për më shumë se një vit. Shah pranoi se TikTok kishte bërë “punë të mahnitshme”.
Lexoni: Galaxy Watch3 dhe Galaxy Buds prezantohen zyrtarisht
“Frymëzimi për produktet vjen nga kudo,” tha ai. “Ne kemi qenë shumë të qartë në produktet në të kaluarën, që janë frymëzuar edhe nga kompani të tjera.” Instagram dhe kompania mëmë, Facebook, kanë një histori të gjatë të rimarrjes me sukses të produkteve të prezantuara nga të tjerët dhe lançimin e tyre me një popullaritet të madh.
Opsioni Reels i Instagramit do të funksionalizohet në 50 shtete, përfshirë SHBA-në, Indinë, Brazilin, Francën, Gjermaninë, Mbretërinë e Bashkuar, Japoninë, Australianë e tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
