Vlera e aksioneve të Amazon (AMZN) arriti kulmin e të gjitha kohërave. Kjo do të thotë se Bezos – personi më i pasur në botë – tani vlen më shumë se 150 miliardë dollarë, sipas Forbes.
Vlera e pasurisë së Bezos është më e lartë se e bashkë-themeluesit të Microsoft (MSFT), Bill Gates dhe bashkë-themeluesit të Google (GOOGL) Larry Page.
Warren Buffett i Berkshire Hathaway (BRKB) është personi i tretë më i pasur në planet mbrapa Bezos dhe Gates. Por Oracle i Omaha ndjek Bezos me gati 70 miliardë dollarë.
Lexoni: Si lindi emri Amazon?
Jeff Bezos është aksionari më i madh i kompanisë, me më shumë se 16% të aksioneve. Fuqia e Amazonit në tregtinë me pakicë, teknologjinë cloud, median dhe fusha të tjera të shumta e vendos atë më afër Apple, duke u bërë kështu një nga kompanitë më të vlefshme në botë.
Kompania ka një vlerë tregu prej më shumë se 890 miliardë dollarësh. Vlera e tregut e Apple është pak më shumë se 935 miliardë dollarë.
Amazon do të raportojë rezultatet e tremujorit të dytë në 26 Korrik. Analistët po parashikojnë një rritje më shumë se 40% në shitje dhe një rritje më shumë se gjashtëfish në fitimet për aksion.
/CNN
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
