Zyrat dhe banesat kanë çmime të rritura ndjeshëm vitet e fundit. Vetëm vitin e kaluar çmimet u rritën 40%, duke shënuar një rritje të pa precedentë në tregun e pasurive të paluajtshme. Në këndvështrimin e investimit, ky mund të jetë një moment i mirë. Lidhur me zhvillimin e tregut të pasurive të palujtshme, tendencat dhe zonat më me interes, ka folur për Opinion Gjin Gjoka, sipërmarrës në fushën e tregut imobiliar.
Më poshtë lexoni intervistën
Cilat janë zonat më të mira për të bërë një investim në Shqipëri?
Nëse flasim për metër katrorë të ndërtimit, ka një ndërtim të jashtëzakonshëm dhe shumë të çrregullt.
Zonat me çmime më të larta do të vijojnë të jenë metropolet, pasi aty është i përqëndruar edhe aktiviteti ekonomik i tyre.
Tirana do të vijojë të ketë çmime të larta për aq kohë sa kërkesa gjithashtu është e lartë. Ndëra oferta është e ulët, qiratë janë rritur në çmime, ndërsa kërkesat janë shumë të mëdha nga ana e klientëve. Së dyti, një interes i lartë i bizneseve është për investime, pra personat që zgjedhin të investojnë për të ndërtuar një biznes.
Zona e Astirit sot quhet “Tiranë e re “, sepse sipas meje aty është gjithçka në vendin e duhur. Rrugët janë të rregulluara, lokalet janë luksoze dhe gjen çdo gjë afër.
Por një dilemë shumë e madhe që shtrojmë të gjithë është: Nga vijnë këto para që kemi në Tiranë?
-Një nga shpenzimet në pasuri të paluajtshme vjen nga emigrantët. Ata janë kontribuesi kryesor në këtë sektor, por edhe në fusha të tjera. Unë kam lobuar fort që të jem pro amnistisë fiskale, për këtë arsye.
Një tjetër faktor zhvillimi është pasuria kombëtare, në pronësi të shtetit. Ajo gjeneron burim të ardhurash, paçka se mund të ketë mundësi për t’u menaxhuar ndryshe. Janë shitur toka me vlerë shumë të ulët, të cilat sot kanë një vlerë shumë herë më të lartë në çmim.
Lexo: A duhet t’ju besojmë shefave që thonë këto fjali?!
Pastaj, bregdeti shqiptar është shumë i favorizuar. Ka shtetas nga Norvegjia që preferojnë të blejnë në Sarandë.
Me interes janë edhe: Vuno, Qeparo deri në Vlorë. Në Vlorë, çmimi arrin për metër katrore deri në 1000-1200 euro/m2, ku flasim për pallatet e vjeter.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
