Disa fakte interesante për verën, ndërsa krijohet The Wine Society Albania - Business Magazine Albania

Disa fakte interesante për verën, ndërsa krijohet The Wine Society Albania


Një nismë në prodhimin dhe konsumin e verërave pritet të nxisë aktivitetin aktual të kantinave shqiptare. The Wine Society Albania është krijuar së fundi, duke synuar të promovojë prodhimet vendase për konsum të brendshëm e më tej edhe për eksport.

Themeluesit e fondacionit vunë në dukje se rritja e vëmendjes për verën, mundëson promovimin e pikave turistike të vendit, ndërsa me rritjen e prodhimit, pritet të zhvillohen vende të reja pune, si menaxherë eksporti, somelier etj.

Në lancimin e The Wine Society Albania, organizatorët sollën në Shqipëri një prej konsulentëve më të mirë në Europë. Mourad Ouada, foli për dinamikën e botës brenda një shisheje, duke theksuar gjallërinë e verës dhe pasqyrimin e tokës, ambientit e klimës së çdo vendi në mënyrë të veçantë, në çdo prodhim vere.

Me 35 vite përvojë në Itali, ai ka lindur në Francë dhe pasionin për verën e ka nisur pikërisht aty, ku studioi agronomi. Në Itali thelloi studimet në fushën e Enologjisë dhe Vitikulturës dhe sot jep konsulencë në shumë vende të Europës, kryesisht zonat mesdhetare.

Sipas tij, kur flitet për verë natyrale do të thotë të jesh i kujdesshëm në përdorimin e produkteve në vresht, jo në kantinë. Në kantinë nuk ka produkte të ndaluara. Çdo vend duhet të ketë parasysh të prodhojë verëra që pasqyrojnë territorin dhe personalitetin e këtij territori. Ndër vite cilësia e prodhimit është përmirësuar falë përvojës dhe përmirësimit të teknologjisë që po përdoret në prodhim.

Këshillë për konsumatorin: Para se të konsumoni verë informohuni, çfarë është ajo verë, nga nga cili vend është, origjina e rrushit dhe emri i rrushit.

Këshillë për prodhuesit

Studioni territorin. Grumbullimi i rrushit në çdo stinë ka historinë e tij. Natyra çdo vit ka karakteristikat e saj dhe vreshti e pasqyron atë. Vera është një produkti i gjallë, gjithnjë në zhvillim.

Faktë interesante rreth verërave

Nëse doni të kuptoni çfarë ka ndodhur me ndryshimet klimatike në nivel global studioni historinë e verës. Gjatë një interviste për Businessmag.al, Ouada tregon se, “25 vite më parë, askush nuk do ta besonte që vera e bardhë më e mirë sot do të bëhej në Gjermani. Sot atje janë verërat më të mira në botë. Në Kinë 20 vitë më parë nuk kultivohej rrushi, ndërsa pas dhjetë vitesh, me këtë ritëm, Kina mund të bëhet prodhuesi më i madh në botë i verës së tavolinës”.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0