Dimri po vjen dhe iPhone X nuk i reziston dot të ftohtit

Këtë dimër që të mbroheni nga ftohti mos harroni të vishni trashë… iPhone-nin. Sidomos ata që kanë blerë apo kanë në plan të marrin një iPhone X.

Këta telefona nuk i rezistojnë dot të ftohtit, gjë që shkakton një ekran i cili nuk përgjigjet kur temperaturat ulen. Apple raportoi se po punon lidhur me një software i cili mund të zgjidh problemin. Përdoruesit tregojnë se ekrani nuk reagon në motin e ftohtë, duke njohur vetëm 20% të prekjes.

Lexoni: A duhet të bleni një iPhone X?

IPhone X është i pajisur me një ekran 5.85-inç OLED, i cili mesa duket është shumë i ndjeshëm ndaj ndryshimit të temperaturave. Koha e rregullimit të gabimit inxhinerik do të jetë shqetësuese duke ditur që dhe vjeshta është dimër për shumë vende të botës, ku tempereaturat bien menjëherë.

Tim Cook dhe bashkëpunëtorët janë të vetëdijshëm për gabimin dhe po planifikojnë, disi, të përpiqen për të rregulluar një përditësim të ardhshëm të firmware iOS.

“Jemi në djeni të situatës ku ekrani i iPhone X përkohësisht nuk reagon në mjedise të ftohta,” tha Apple për The Loop.

“Pas disa sekondash ekrani do të rikthehet në jetë përsëri.”

Si një përdoruese e iPhone mund të them që kjo problematikë ka qenë e pranishme dhe në verisone të mëparshme të iPhone. Për shembull telefoni im i mëparshëm iPhone 5c pësonte një fikje automatike në temperatura të larta (45 gradë). Megjithatë derisa të gjendet zgjidhja, iPhone merr karton të verdhë në lojën kundër Android (Samsung).

Lexoni: Ja sa kushton iPhone X në shtete të ndryshme të botës

/TheRegister