Dhoma Europiane e rendit Shqipërinë të tretën nga fundi për klimën e biznesit

Dhoma Europiane

European Chamber (Dhoma Europiane), ose siç njihet ndryshe EuCham është një organizatë e pavarur, joqeveritare, e cila vlerëson të bërit biznes në Evropë.

Në raportin e fundit për vitin 2020, EuCham ka vlerësuar 46 vende nga Evropa, në të cilin Shqipëria renditet ndër tre vendet e fundit, duke lënë pas Bosnje e Hercegovinën dhe Ukrainën, vende këto, me probleme të theksuara sa i përket stabilitetit politik dhe ekonomik.

Lexoni: Trajnim për Procedurat e Prokurimit Publik

Rezultati i EuCham për një vend reflektohet në një shkallë nga 0 në 100, ku 0 përfaqëson performancën më të dobët dhe 100 paraqet më të mirën.

Danimarka kryeson renditjen me rezultatin 86, e ndjekur nga Suedia, Norvegjia, Finlanda, dhe Zvicra. Shqipëria ka 51.35 pikë sipas vlerësimit të Dhomës Europiane EUCham, 66.70 pikë sipas Bankës Botërore dhe 35 pikë sipas Transparency International, duke mbajtur vendin e tretë për nga fundi për secilin nga këto vlerësime.

Dhoma Europiane

Sipas EuCham klimë më të mirë për të bërë biznes se sa Shqipëria (51 pikë) ka Kosova (55 pikë), Serbia (57 pikë), Maqedonia e Veriut (58 pikë) dhe shumë më shumë edhe Mali i Zi (59 pikë). Vlerësimi i EuCham bazohet në të dhënat e Bankës Botërore dhe indekseve ekonomike të Transparency International.

Në vitin 2019 Shqipëria vlerësohej nga EuCham me 52.76 pikë. Vlerësim në ulje është vërejtur edhe nga raportet e shkuara të Bankës Botërore (67.7 pikë nga 69.5 që vlerësohej një vit më parë) dhe nga indeksi i Transparency International (35 pikë nga 36 që vlerësohej një vit më parë).

Për të lexuar raportin e plotë, mund të klikoni këtu.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale