Dëshiron të rritesh në detyrë? Bëhu njëbrirësh. - Business Magazine Albania

Dëshiron të rritesh në detyrë? Bëhu njëbrirësh.

~4 minuta lexim


Punoni shumë, por asnjehërë nuk merrni vlerësimin e duhur? Po mendoni të aplikoni për një punë më të mirë dhe dëshironi të dalloheni nga kandidatët e tjerë? Atëherë ju duhet të bëheni një njëbrirësh, një punonjës unik me aftësi të veçanta. Edhe pse ekzistenca e tyre nuk është vërtetuar, njëbrirëshi, si një figurë mitologjike simbolizon suksesin dhe hapjen e mundësive të reja.

Prandaj BusinessMag ju sugjeron të bëheni të tillë për të arritur atë që dëshironi. Si mund të bëheni njëbrirësh? Duke zbatuar këshillat e mëposhtme:

Bëjeni punën mirë çdo ditë në çdo detyrë që ju besohet. Punët shkel e shko nuk lënë përshtypje të mirë. Për t’u dalluar, dhe për t’u rritur në detyrë ashtu siç synoni, ju duhet të bëni një punë të jashtëzakonshme në mënyrë që dhe shefi të vlerësojë përpjekjen tuaj.

Bëhuni ekspert në diçka të caktuar. Njerëzit i drejtohen ekspertëve për këshilla dhe për të zgjidhur problemet e tyre. Kërkoni hapësira në kompaninë tuaj ku mund të përdorni aftësitë tuaja dhe të bëheni një ekspert.

Dilni vullnetar. Ngrijeni dorën dhe bëhuni pjesë si vullnetar në projekte ku mund të përdorni aftësitë tuaja për të ndihmuar punonjës të tjerë, ndërkohë që demostroni aftësitë tuaja në menaxhim.

Ndani njohuritë tuaja me të tjerët. Koordinoni disa seanca ditore, ku ju ofroni trajnime për pjestarët e tjerë në organizatën në fushën tuaj të ekspertizës.

Bëhuni një mentor. Një studim nga Sun Microsystems zbuloi se njerëzit që ishin mentorë kishin më shumë mundësi për t’u rritur në detyrë.

Ofrojini ndihmë kolegëve tuaj. Mos prisni që dikush tjetër t’ju afrohet, përfshihuni atëherë kur dikush tjetër ka nevojë për ndihmë. Mos prisni asgjë në këmbim. Ndihmojini të tjetrët me dëshirë, jo për të marrë diçka nga ata.

Shkruani për fushën tuaj të ekspertizës. Jepni kontributin tuaj në website-in e kompanisë apo në blogjet e shoqatave të industrisë. Në këtë mënyrë ju mund të ndihmoni të tjerët, të shpalosni aftësitë tuaja dhe gjithashtu të promovoni brandin tuaj personal për një audiencë më të madhe.

/Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0