Covid 19, Bota dhe Shqipëria në një javë - Business Magazine Albania

Covid 19, Bota dhe Shqipëria në një javë


Rreth tre muaj më parë u shfaq në Wuhan, Kinë virusi korona. Përhapja e shpejtë e tij ishte e frikshme. Por ndërsa tërhoqi vëmendjen ndërtimi në kohë rekord i spitaleve për të përballuar pacientët e shumtë, bota dhe ne nuk e menduan shumë zhvillimin progresiv të këtij virusi. Aq i shpejtë dhe i fuqishëm po shfaqet ky virus sa Organizata Botërore e Shëndetësisë e ka shpallur atë një pandemi.

Kjo situatë e pazakontë nuk mund të mos ndiqej edhe nga Businessmag duke synuar të sjellim zhvillimet globale dhe vendase (sapo virusi u shfaq) me objektivin për të pasqyruar dinamikën e virusit, reagimet e institucioneve, dëmet aktuale dhe të mundshme të kësaj pandemie, si po i përgjigjet shoqëria dhe sipërmarrjet dhe cilat janë angazhimet e institucioneve dhe qendrave kërkimore në luftën e këtij virusi. Pa dashur të largohemi nga angazhimi ynë për të sjellë frymëzim e shpresë në atë që po ndodh, mbi të gjitha kemi synuar të përzgjedhim e transmetojmë artikuj të besueshëm, pa tituj bombastikë që marrin shumë klikime.

Lexo: Mobilizimi, spitali ndërtohet për 6 ditë

Dinamika e këtij virusi po vë në provë qeveritë, kompaninë dhe individët. Zhvillimet e këtyre ditëve, masat e marra nga kryeministra të shumë vendeve, nxorën më shumë në pah politikat sociale të qeverive, gjendjen ekonomie dhe disponibilitetin ekonomik të tyre për të mbështetur sipërmarrjet.

Karantina është kryefjala e disa javëve tashmë në nivel global, si kundërpërgjigjia më e mirë ndaj Covid 19. Por jo të gjithë kanë mbajtur të njëjtin qëndrim. Qeveria britanika ka ngjallur reagime të mëdha brenda dhe jashtë vendit për zgjedhjen e saj për t’iu përgjigjur në një formë të butë virusit, duke e lënë “të bëjë të veten”. Ndryshe nga pothuasje të gjitha vendet e tjera, të cilat karantinën e forcuan shpejt ose vonë, Britania e Madhe ka paralajmëruar qytetarët se shumë prej tyre do të humbasin të afërmit. Plani i saj është që prekja e masës nga ky virus të krijojë imunitet dhe të zbusë efektet në rastin e rishfaqjes së tij. Italia fqinje, e dyta më e goditur pas Kinës, u përball në shkurt me të infektuarin dhe vdekjen e parë.

Lexo: Të mos bëjmë gabimet e Italisë. Nevojitet solidaritet dhe vetëizolim

Masat shtrënguese të qeverisë filluan të përshkallëzohen, por ritmi duket se nuk ka qenë ai i duhuri. Shtrimet në spitale janë tej kapaciteteve dhe vdekjet kanë kaluar edhe mbi 350 në një ditë. Pak pas Italisë virusi u përhap pothuajse në të gjitha vendet e Europës dhe në vendin tonë. Vetëm një javë më parë, u diagnostikuan dy të infektuarit e parë me Covid 19, të ardhur nga Italia. Një ditë më pas zhvillohet mbledhja e jashtëzakonshme e qeverisë e cila vendos mbylljen e institucioneve arsimore dhe anulon të gjitha grumbullimet, konferenca, evente, etj.

Lexo:  Virusi Corona mbërrin në Shqipëri, konfirmohen rastet e para

Ndërsa shënohet i vdekuri i parë, 73 vjeçarja nga Durrësi, masat vijojnë të shtrëngohen më tej. Dënohen me gjobë 5000 euro të ardhurit nga Italia dhe vendet e infektuara që qarkullojnë në ambiente publike, nëse kanë më pak se 14 ditë në vend. Mbyllen bare, restorante.

Ndërsa numri i të infektuarave në vend shkon në 10, kompanitë nisin të punojnë nga shtëpia, ose mbyllen tërësisht. Të parat e ndërmarrin nismën vetë, ndërsa shumë shpejt Qeveria del me vendimin se duhet të mbyllen fabrikat dhe call center-at që nuk plotësojnë distancën1.5 metër mes punonjësish. Më të përgatitura në këtë sfidë duken kompanitë e shërbimeve të teknologjisë, IT, zhvillim software, të cilat kanë angazhuar punonjësit nga shtëpia.

Lexo: Ne e filluam punën nga shtëpia. New Media Communications dhe Businessmag ju ftojnë të punoni remote nëse mundeni

Angazhimi i qeverisë për të aktivizuar karantinën është vlerësuar brenda dhe jashtë vendit. Por shpejtësia e vendimeve nuk ka ecur në të njëjtin kah edhe në çështet ekonomike. Së fundi, një grup shoqatash sipërmarrëse i kanë dërguar një listë kërkesash qeverisë shqiptare për lehtësime në bërjen e biznesit këto muaj. Mes këtyre kërkesave përfshihet pezullimi i pagesave për 3 muaj dhe pagesa e punonjësve nga sigurimet siç aplikohet në kushtet e lejeve në rast sëmundje. Kjo është një masë që po aplikohet tashmë nga qeveria italiane, e cila ka vendosur 24 miliardë euro në shërbim të ekonomisë dhe sipërmarrjes private. Por përgjigjen më të fortë ndaj mbështetjes ekonomike e ka dhënë qeveria gjermane, e cila me një fond në dispozion prej 550 miliardë euro, (në rast nevoje edhe më shumë), ka vendosur të mbështesë plotësisht sipërmarrjet në këtë sfidë. Shqipëria vjen nga një tjetër goditje e fortë në Nëntor 2019. Dëmet e tërmetit janë llogaritur në 1 miliard euro. Por, ndërsa vendimet ekonomike pritet të jenë në ditët në vijim, emergjente mbetet kufizimi sa më shumë të jetë e mundur e të infektuarve, e cila deri më tani duket se është arrirë.

Duke ju uruar shëndet, qetësi e sa më shumë gëzim në familjet tuaja, Businessmag do t’ju raportojë zhvillimet rreth kësaj çështje, së bashku me gjetjet dhe risitë në këtë drejtim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0