Të mos bëjmë gabimet e Italisë. Nevojitet solidaritet dhe vetëizolim - Business Magazine Albania

Të mos bëjmë gabimet e Italisë. Nevojitet solidaritet dhe vetëizolim


Mjaftuan dy javë për të marrë përmasa kombëtare infektimi me korovavirus në Itali. Pavarësisht masave urgjente që mori qeveria italiane dhe forcimi më tej i këtyre masave, populli italian dështoi ta izolojë virusin vetëm në rajonin e Lombardisë.

Në më pak se dy ditë në Shqipëri, që kur u zyrtarizua epidemia, sjelljet e qeverisë dhe të qytetarëve shqiptarë janë të ngjashme me ato italianë. Qeveria mori masa shtrënguese të hënën paradite, dhe u rishfaq në një mbledhje të dytë të martën pasdite me masa të tjera shtrënguese. Ndërkohë, shumë qytetarë e fëmijë që dolën të lirë nga shkollat nuk ngurruan të mbushin lokalet paraditen e së martës, duke treguar se nuk e kanë kuptuar rrezikun që u kanoset, e që nuk është më as tek shteti fqinj, as te komshiu, por te dera e hapur e shtëpisë.

Kur po lufton e drobitur mjeksia italiane, vend me të ardhura disa herë më të larta se yni, pyetje e madhe është sa mundet mjeksia shqiptare t’i përgjigjet me dinjitet këtij virusi. Ndërkohë, mijëra mjekë e infermierë shërbejnë në Gjermani e Botë. Pikëpyetje të mëdha tek mjeksia, pikëpyetje të mëdha tek qeveria. Por, ti individi a je duke e bërë detyrën tënde?! Aq më tepër kur ke dyshime në aftësinë e strukturave publike…

Vendimet e qeverisë shqiptare duken në lartësinë e vendimeve të qeverisë italiane pak javë më parë. Por kryeministri italian ftoi qytetarët si bashkëdhëtarë në këtë betejë, ndërsa shetasit nisën të rrugëtojnë për t’u larguar nga zona e kuqe, duke mbartur me vete edhe virusin. Fatura shëndetësore që po paguan Italia prej ditësh është shumëfishuar pikërisht për shkak të mungesës së respektimit të rregullave nga qytetarët duke e bërë këtë situatë të pamenaxhueshme. Pas vazhdimit të lëvizjeve në zonat e veriut, qytetarët u dyndën drejt jugut duke e përhapur më tej virusin.

Të papërballur me një situatë të tillë më parë, nuk jemi të përgatitur të vetërespektojmë masa drastike, mos përshëndetja, mungesa e konsumit të kafes me miqtë, qëndrimi i vazhdueshëm në shtëpi. Pjesa dërrmuese e familjeve nuk janë të përgatitura për vetëizolim edhe për shkak të pamundësisë financiare. U duhet të punojnë sot për sot. Kompanitë private po ashtu, nuk janë në gjendje të dërgojnë në shtëpi punonjësit. Kush do t’i paguajë sigurimet e tyre kur janë në shtëpi. Po sikur një familjar të vdesë nga kjo sëmundje, a jemi të gatshëm të mos bëjmë ceremoninë mortore?!

Mes shumë pikëpyetjeve, marrja me seriozitet sa më shumë të jetë e mundur, bërja palë me të gjitha vendimet e qeverisë, solidariteti me shërbimin mjeksor, duke shmangur fjalë që mund të jenë të tepërta kërkon përpjekje të forta individuale, solidaritet. Nëse sot jemi duke lëvizur nëpër Tiranë, ku janë identifikuar të prekurit me Coronavirus, imagjinoni cdo të ndodhte nëse njerëzit nisin të zhvendosen tek të afërm në qyetete të tjera…

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0