Teksa shqetësimet për një rimëkëmbje ekonomike të globit janë në rritje për shkak të shtimit të rasteve me koronavirus në botë, cmimet e arit kanë arritur shifra rekord.
Investitorët po nxitojnë të gjejnë mënyra të sigurta për të ruajtur paratë e tyre.
Ari kapi çmimin 1944 dollarë për onz, duke thyer rekordin prej 1921 dollarë për onz, të vendosur në vitin 2011. Deri tani, këtë vit, çmimi i arit është rritur me 27%. Edhe argjendi ka pësuar rritje të çmimit, duke arritur në 24,21 dollarë për onz.
Lexoni: Operatorët ekonomikë mund të përfitojnë 3 shërbime të reja online
Një prej arsyeve kryesore të rritjes së çmimit të arit është parashikimi se Rezerva Federale do të mbajë të ulëta normat e interesit për një periudhë më të gjatë kohe, për të mbështetur rimëkëmbjen ekonomike, sipas Hussein Sayed, shef i strategjive të marketingut në kompaninë FXTM.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
