Çmime të larta dhe rritje e dobët ekonomike. Europa goditet nga lufta dhe pandemia - Business Magazine Albania

Çmime të larta dhe rritje e dobët ekonomike. Europa goditet nga lufta dhe pandemia

Ekonomia evropiane u ngadalësua në tre muajt e parë të vitit për shkak të një kombinimi të inflacionit në rritje dhe pasojave nga lufta në Ukrainë.Të dhënat paraprake të tremujorit të parë të publikuara të premten treguan se PBB-ja u rrit me 0.2% në 19 vendet që përdorin euron, gjatë tremujorit të mëparshëm. Kjo ishte më e dobët se rritja prej 0.3% e regjistruar në tre muajt e fundit të 2021.

Ndërkohë, inflacioni i çmimeve të konsumit u rrit në 7.5% në prill – më i larti që kur Bashkimi Evropian filloi të mbante të dhëna 25 vjet më parë. Rritja e kostove për energjinë dhe ushqimin – e nxitur nga trazirat në Ukrainë dhe sanksionet perëndimore ndaj Rusisë – ishin faktorët kryesorë.

Gjermania, ekonomia më e madhe e rajonit, raportoi rritje të PBB-së prej 0.2%. Ky ishte një përmirësim i tkurrjes së parë në tremujorin e katërt të 2021. Por ritmi i aktivitetit ka të ngjarë të ngadalësohet drejt fundit të periudhës janar-mars pas pushtimit rus të Ukrainës më 24 shkurt.

Lexo edhe: Në Europë, gazi e nafta mund të jenë “me racion”. Unioni parashikon të shkëpusë varësinë nga Rusia në 2025

Qeveria gjermane të mërkurën uli parashikimin e saj të rritjes për këtë vit në 2.2% dhe ka paralajmëruar për një recesion nëse furnizimi rus me gaz ndërpritet.

Përveç Gjermanisë, edhe pjesa më e madhe e Evropës, po përballet tani me stagflacion – kombinimi makth i inflacionit të lartë dhe rritjes së dobët ekonomike. Franca është tashmë në këtë pikë.

Ekonomia e dytë më e madhe e Evropës ngeci në tremujorin e parë, me PBB-në që u ul dhe inflacioni arriti një rekord të ri. Italia doli edhe më keq. Ekonomia e saj u tkurr me 0.2% në tremujorin e parë.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0