Çka po ju pengon për të ecur përpara? - Business Magazine Albania

Çka po ju pengon për të ecur përpara?


Shpesh herë ndihemi të ngarkuar si moralisht, ashtu edhe shpirtërisht. E keni ju vetë në dorë që të bëni të pamundurën, të hiqni dorë nga disa gjëra dhe të përqafoni disa të tjera për të lehtësuar jetën tuaj.

Ja disa këshilla sesi ta bëni këtë:

  • Mos jetoni me ndjenjën e fajit

Ndjenja e fajit nuk ka absolutisht asnjë vlerë. Çfarë mund të zgjidhë ndjenja e fajit? Ajo vetëm sa ju mban të burgosur dhe të pikëlluar.

  • Largoni mendimet negative

Mendimet pesimiste dhe qëndrimet negative ju mbajnë të mbyllur në një atmosferë të errët që përshkon gjithçka që bëni. Është një vijë e rrezikshme për t’u ndjekur. Dijeni se mendimet tuaja ndikojnë në botën që ju rrethon. Mjaft më.

  • Mos e kritikoni më veten tuaj

Shumë herë ne jemi dhimbja jonë më e madhe. Ne kritikojmë veten me qëllimet më të mira, por pastaj e kalojmë kufirin. Kritikat më pas kthehen në mesazhe të pafuqishme. Mjaft e kritikuat veten tuaj.

  • Mos paragjykoni

Paragjykimi ju mban të hidhëruar dhe të zemëruar. Ai kufizon mundësitë tuaja për t’u lidhur me të tjerët.

  • Mos kërkoni leje

Ne shpesh tentojmë të kërkojmë miratim nga të tjerët. Por kjo është një sjellje që cenon vetëbesimin dhe origjinalitetin tënd.

  • Mos kufizoni besimet tuaja

Shumica e kufizimeve tona janë të vendosura nga vetë ne. Jeta nuk ka kufij të përcaktuar. Besimet tona po. Mësoni ti identifikoni besimet që kufizojnë mundësitë tuaja për veprim dhe hiqni dorë nga to.

  • Mos mbani mëri

Më lejoni ta them në këtë mënyrë – grindjet janë të këqija për zemrën tuaj. Nëse mbani mëri gjatë gjithë kohës ato do të ndikojnë në shëndetin tuaj.

  • Mos thoni “Do ta bëj nesër”

Kjo është një taktikë që ju pengon t’i kryeni detyrat më të rëndësishme. Mundohuni të bëni të paktën pjesën e parë të një detyre dhe më vonë do të vazhdoni të gjithën, sepse fillimi është pjesa e vështirë.

  • Largoni mendimet shqetësuese

Këto lindin nga frika që ne kemi ndaj të panjohurës dhe pasigurive për të ardhmen. Mendimi se diçka e pakëndshme mund të ndodhë është vetëm një mendim joreal që ne kemi krijuar vetë.

  • Mos jini pre e kujtimeve të këqija

Ndonjëherë kujtojmë gjëra të pakëndshme që nxisin ndjenja të trishtuara tek ne. Kujtimet e këqija ju bëjnë të përjetoni ato momente të trishtuara në të tashmen. Mbajini aty ku janë – në të kaluarën.

  • Hiqni dorë nga shoqëria e keqe

Nëse ka njerëz rreth jush që nuk janë të sinqertë, kanë zili ose janë shumë pesimistë, rrini larg prej tyre.

  • Largojeni idenë se jeni produkt i së kaluarës tuaj

Një gabim shumë i zakonshëm na krijon besimin se ne jemi të përcaktuar nga eksperiencat tona të së kaluarës. Kjo e kufizon pikëpamjen tonë për mundësitë e ardhshme në jetë pasi jemi të mbërthyer në besimin se e ardhmja mund të jetë e njëjtë me të kaluarën tonë.

  • Mos e identifikoni veten me punën / rolin tuaj

Kjo është një nga rreziqet e jetës moderne. Meqë rolet gjithmonë e më shumë po bëhen më të zakonshme, ne mendojmë se jemi pjesë e roleve tona. Kjo na bën të humbasim perspektivën e identietit tonë të vërtetë.

  • Mos i merrni gjërat shumë personale

Shpesh ne jemi të shqetësuar emocionalisht, sepse interpretojmë fjalët dhe veprimet e njerëzve nga një perspektivë shumë subjektive. Kur i marrim gjërat personale, ne nervozohemi, lëndohemi dhe zhgënjehemi. Kur e shohim jetën nga një pikëpamje më objektive, ne qëndrojmë të balancuar emocionalisht dhe të përqendruar në prioritetet tona.

  • Mos bini pre e kohës

Koha nuk është një nga burimet më të mëdha të stresit por perceptimi ynë për të. Ndonjëherë ne jemi skllevër të konceptit të kohës edhe në momentet e kohës së lirë. Kjo ndikon në lirinë tonë. Të mësohesh për të kaluar momente pa e patur vazhdimisht mendjen te koha mund të jetë shumë çliruese dhe produktive.

upliftconnect

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0