Cila kompani e telefonëve Android është më e shpejtë me përditësimet? - Business Magazine Albania

Cila kompani e telefonëve Android është më e shpejtë me përditësimet?


Ndërsa të gjithë prodhuesit madhor të telefonëve Android kanë arritur të përditësojnë të paktën një telefon në Android 7.0, tashmë kemi mundësinë të arrijmë në konkluzionin e prodhuesit Android më të shpejtë në përditësime.

Google hodhi në qarkullim Nougat më 22 Gusht dhe LG V20 ishte telefoni i parë me Android 7.0 nga ambalazhimi.

Telefonët Pixel erdhën me Android 7.1 që në momentin e debutimit ndërsa të gjithë telefonët e tjerë kishin një rrugë të gjatë përpara drejt kalimit në Nougat. Kush ishte më i shpejtë?

LG: 78 ditë

LG-së iu deshën 78 ditë për të përditësuar flagshipin LG G5 në Nougat. Më 8 Nëntor përditësimi ishte i disponueshëm në Korenë e Jugut dhe dy javë më pas shkoi në SHBA.

Kompania ja doli më së miri edhe me Marshmallow kur përditësoi telefonin e parë dy muaj pas debutimit të versionit 6 të platformës. Bazuar në dy shembujt e lartpërmendur lehtësisht mund të themi se LG është prodhuesi, i cili ka rezultatin më të mirë të përditësimeve.

Motorola: 88 ditë

Ndërfaqja stok e Android-it të telefonëve Motorola nuk ka qenë asnjëherë problem për përditësimet e shpejta e as Nougat nuk përbën përjashtim. Moto Z dhe Z Force morën Nougat më 18 Nëntor në SHBA.

HTC: 95 ditë

Në të kaluarën prodhuesi Tajvanez ka qenë kritikë i ashpër i premtimeve të rivalëve për përditësime të shpejta të Android. Por me HTC 10, kompania tejkaloi pritshmëritë.

Përdoruesit e versioneve ndërkombëtare të HTC 10 morën përditësimin më 25 Nëntor ndërsa One M9 vetëm pak ditë më vonë, më 5 Dhjetor.

Sony: 99 ditë

Sony ja arriti të mbante premtimin 100 ditor të përditësimit të telefonit të parë në një version madhor Android. Pikërisht më 29 Nëntor kompania dërgoi Xperia X Performance në Nougat. Xperia XZ mori përditësimin një ditë më pas ndërsa Xperia X dhe X Compact më 16 Dhjetor.

Xiaomi: 126 ditë

Apple Kinez iu deshën afro katër muaj, më 26 Dhjetor, që të përditësonte Mi 5 në ndërfaqen MIUI 8 të Android Nougat. Madje kompania filloi një fushatë beta në 2016-tën duke treguar përkushtim ndaj përditësimeve stabile.

OnePlus: 131 ditë

Edhe OnePlus ja arriti të mbante premtimin në çështje orësh ku publikoi betan e parë të Nougat për OnePlus 3T në të njëjtën ditë që u dërgua versioni final i Nougat për OnePlus 3.

Ajo ditë ishte 31 Dhjetori, dita e fundit e vitit dhe plot 131 ditë nga debutimi i Nougat nga Google.

Samsung: 143 ditë

Samsung pati një vit të vështirë dhe performanca e përditësimeve nuk ishte në nivelet e pritura. 143 ditë për të dërguar versionin final të Nougat për S7 dhe S7 Edge tregon se Samsung ka goxha punë për të bërë.

Natyrisht kompania ka një portofol të gjerë produktesh dhe është prodhuesi më i madh në botë i telefonëve, por gjithashtu ka në disponim resurse më të mëdha.

Huawei: në pritje

Huawei është i vetmi prodhues telefonësh Android që nuk ka përditësuar asnjë telefon me Android Nougat. Megjithatë kompania lançoi Mate 9 me Nougat.

Në fund të fundit është kompania më e vonuar me përditësimet e telefonëve në versionet madhore të platformës. Telefoni i parë në këtë listë është Honor 8 që pritet të marrë Nougat më 18 Janar.

Konkluzioni

Duke pasur në konsideratë çdo gjë që u tha më lart, qartësisht LG, Motorola, HTC dhe Sony janë prodhuesit, të cilët kanë arritur të përditësojnë telefonët e parë brenda 100 ditëve.

Duhet të kemi parasysh se jo të gjithë konsumatorët e kompanitë në fjalë kanë një telefon të rangut të lartë. Cilësia e një përditësimi gjithashtu është një problem. Nuk kanë qenë të pakta rastet kur përditësimet kanë shkaktuar më shumë probleme sesa kanë zgjidhur.

Cilës kompani i besoni më shumë? A kërkoni shpejtësi përditësimesh apo stabilitet?

Burimi: PC-World

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0