Kohët e fundit teksa lëvizim nëpër faqet tona në Facebook, ne po bombardohemi nga postimet e sponsorizuara rreth produkteve dhe shërbimeve të ndryshme. Facebook-u, si platformë e rrjeteve sociale ka zgjeruar portofolion me produkte dhe shërbime duke u mundësuar bizneseve të rriten më shpejt dhe t’u ekspozohen më shumë klientëve potencialë nëpërmjet degëzave të ndryshme.
Përmes “Facebook Business”, bizneseve u sigurohet një mundësi shtesë për të reklamuar produktet e tyre, ku mund të targetojnë një treg më specifika, bazuar në kritere demografike si mosha dhe vendbanimi i klientit. I gjithë ky targetim krijohet në principin që kompanive u kërkohet kompensim vetëm pasi të kenë arritur klientët e rinj. Pavarësisht se i çfarë shkalle është investimi juaj, ju mund të arrini në 10.000 ose 500.000 individë. Ky targetim i përgjithshëm ka edhe mangësitë e tij.
Si më e diskutuara është ajo që reklama arrin edhe tek njerëzit që nuk janë të interesuar për postimin tuaj, ku në process injorohet apo fshihet nga përdoruesit e shumtë. Ideja e “Facebook Business” shkel teorinë e prezantuar nga Seth Godin në librin e tij mbi ”Permission Marketing ”. Sipas tij, “permission markting” si koncept është një formë e dërgimit të mesazheve të pritura, të personalizuara dhe relevante për njerëzit që në të vërtetë kanë interes dhe dëshirojnë t’i marrin ato.
Në një kohë kur rrjetet sociale janë pjesë e përditshmërisë, njerëzit ballafaqohen me qindra apo mijëra reklama në forma të ndryshme çdo ditë. Metodat tradicionale të marketingut shpesh sillen rreth idesë së ‘‘Interruption Marketing’’, qoftë ajo një reklamë televizive që shfaqet gjatë një shfaqje televizive, ose një pop-up që shfaqet papritur në një faqe interneti. Sipas Godin, metodat e tilla po humbin efikasitetin për shkak që konsumatorët po mbingarkohen me informacione. Sipas tij, kompanitë janë në një garë për të tërhequr vëmendjen e konsumatorëve, ku edhe me këtë rast reklamat po bëhen më kreative dhe bizneset po investojnë më shumë para në to.
Godin shpjegon se përfitimi i vëmendjes së klientëve është një aset qe duhet të vlerësohet, respektohet dhe trajtohet mirë. Pasi të jetë humbur vëmendja e klienteve, është e vështirë ta rifitosh atë. Mënyra më efikase për tërheqjen e vëmendjes është marrja e lejës nga konsumatorët. Aprovimi i konsumutorit ndaj ekspozimit të reklamës tuaj tregon që po arrini njerëzit që janë të interesuar për produktin/shërbimin në fjalë. Sot, një shembull i marketingut të lejëve janë opsionet si “pëlqimi dhe ndjekja” e faqeve në mediat sociale. Në momentin që dikush pëlqen apo ndjek faqen tuaj, çdo bashkëveprim ndërmjet kompanisë dhe konsumatorit, qoftë edhe ekspozimi ndaj reklamave të kompanisë është brenda kornizës së lejuar.
Në kundërshtim me teorinë e Permission Marketing, artikujt e sponsorizuar arrijnë edhe tek njerëzit që nuk ndjekin ose pëlqejnë faqen tuaj. Përdoruesit e shumtë të këtyre rrjeteve sociale ndeshen me postime pa lejën e tyre. Në këtë mënyrë, ata mbingarkohen çdo ditë me reklama të tilla ku në proces edhe humbet efekti i një targetimi më specifik të tregut për kompanitë e interesuara.
burimi: rrotull.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
