Çfarë mund të mësojmë nga inagurimi i fundit i Cybertruck dhe Elon Musk?


Nga Laidi Ferruni, sipërmarrës

Në botën e sipërmarrjes ka shume modele suksesi që më pëlqen të ndjek dhe të mësoj prej tyre. Elon Musk është një nga ato modele që nuk kam si ta ndjek veçse duke parë çfarë bën.

Veprat dhe hapat që ai ndjek janë thjesht jashtë kufijve që çdo rrugë tradicionale përcakton.

Lexoni më shumë këtu për inaugurimin e Cybertruck:

https://businessmag.al/deshton-makina-anti-plumb-e-kompanise-tesla-gjate-prezantimit-live/

Gjatë viteve, Tesla ka qenë dhe është një nga kompanitë e rralla, që thjesht shtyjnë limitet e asaj çfarë është e mundur, ose perceptojmë ne si të mundur, vazhdimisht dhe herë pas here.

Elon Musk është vizionari dhe drejtori i Tesla dhe SpaseX (një kompani për ata/ato që nuk e dinë, që punon me Nasa për të lançuar raketa në hapësirë).

Përgjatë viteve Musk ka bërë inagurim mbas inagurimi duke thyer pritshmëritë e fansave të industrisë së automobilave nëpër botë. Por çfarë mund të mësojmë nga Musk?

Përsonalisht si sipërmarrës, ndoshta mesazhi më i madh që më bën të nxjerr përmblidhet në një fjalë: guxim.

Sado klishe të tingëllojë, sado që e kemi dëgjuar 1000 herë, sado çdo hartim, çdo film apo çdo histori suksesi e reklamon, guximi është thjesht një nga ato gjëra që nuk ka shkollë, teknikë, apo strategji që mund të na mësojë.

Çfarë më lë gjithmonë me gojë hapur tek iniciativat e Elon Musk, është absurditeti i objektivave që ka, disiplina dhe mënyra intensive që ndjek për të arritur ato dhe mbi të gjitha, një aftësi që është më e vështirë se çdo gjë tjetër në sipërmarrje: guximi për të rrezikuar çdo gjë, për hir të progresit.

Nëse ndjekim me vemendje hapat që Musk dhe Tesla apo SpaceX ndërmerr, asnjë prej inagurimeve apo
hapave që bëhen, nuk ndërlidhen me hapat që do ndiqte një kompani e thjeshtë tradicionale, qoftë edhe korporatë.

Një shembull perfekt i asaj që dua të ilustroj nëpërmjet këtij mesazhi ishte inagurimi i fundit i Cybertruck në Kaliforni.

Lexoni gjithashtu:

A ishte thyerja e xhamave të kamionçinës Cybertruck diçka e planifikuar nga Tesla?

Ndërkohë që industria e mini-kamionave (Trucks) në Amerike është një nga industritë më të suksesshme në vend, vetë industria dhe prodhimi i këtyre automjeteve ka qënë relativisht i njëjtë për 100 vite… Deri sot.

Pavarësisht faktit që e prisnim një automjet shumë të mirë nga Tesla dhe me elektricitet, ajo që nuk prisnim
ishtë një dizajn aq jashtë normave sa ai që pamë gjatë eventit.

Dhe pikërisht kjo më bën të reflektoj mbi natyrën e sipërmarrjes…

Më kujton natyrën që kishtë Apple përgjatë kohës që jetonte Steve Jobs dhe më kujton ato pak raste në histori ku një kompani arrin të ndryshojë çdo gjë. Pse?

Vetëm sepse ka guximin të rrezikojë gjithçka për të arritur në nivelin tjetër.

Lloji i mendësisë që duhet për të ecur në këtë mënyrë në biznes është shumë i rrallë dhe e sheh vetëm tek një numër i vogël i sipërmarrësve.

Çfarë kam arritur të kuptoj nga ky inagurim, është që duhet të rrezikoj më tepër, të jem më ambicioz me objektivat e mia dhe të shtyj vazhdimisht limitet e asaj që mendoj se është e mundur.

Sa ëndrra apo objektiva kemi pasur, por nuk kemi guxuar t’i nxjerrim nga sirtari, vetëm sepse na janë dukur tepër ambiciozë apo jo-realistë.

Çfarë po na pengon tani, në këtë moment për të hedhur një hap drejt asaj që na entuziazmon dhe frikëson njëkohësisht?

A është frika?
A është mungesa e besimit?
A është përtesa?

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale