Këtu janë disa gjëra që qeveritë vendore dhe lokale mund të bëjnë për të mbështetur startup-et:
- Duke e kuptuar se shitja me pakicë nuk do të jetë kurrë e njëjtë.
Sapo kemi filluar të shohim ndikimin që do të ketë Amazon në shitjet lokale me pakicë.
Qeveritë duhet të përqafojnë plotësisht shitblerjen online dhe të përshtaten me ndryshimet në teknologji.
- Miratoni një politikë publike që i mbështet startup-et (kjo nuk nënkupton thjesht uljen e taksave).
Unë kam qenë një pjesë e më shumë se një komuniteti të startup-eve për gati një dekadë. Asnjëherë nuk kam dëgjuar që normat e taksave të bëhen pengesë për suksesin e një startup-i. Sidoqoftë, kam dëgjuar themeluesit e startup-eve të përmendin mungesën e granteve mbështetëse. Dhe atë në mënyrë të vazhdueshme.
Qeveritë lokale, shtetërore dhe federale duhet të paktën të diskutojnë se si sektori publik mund të plotësojë këtë boshllëk të financimit të hershëm. Në disa shtete (përfshirë Koloradon dhe Pensilvania-n në SHBA), qeveritë kanë zbatuar tashmë programe inovative që të paktën pjesërisht adresojnë mungesën e kapitalit të fazës së hershme.
Ekosistemet fillestare kanë nevojë për një sektor publik të gatshëm t’i mbështesë ato.
- Të nisë një dialog midis qeverisë lokale dhe startup-eve.
Bota e startup-eve është një kulturë e veçantë me një gjuhë unike dhe një sërë normash që mund të jenë të vështira për t’u kuptuar nga të tjerët. E njëjta vlen edhe për qeverinë. Përafrimi i këtyre dy kulturave kërkon dialog. Në komunitetin tim, unë jam anëtar i Komitetit Lokal të Inovacionit, i cili përfshin sipërmarrës, zhvillues ekonomik, zyrtarë të qeverisë së qyteteve dhe qarqeve.
Startup-et nuk do t’i zgjidhin të gjitha problemet e botës, por ato janë një pjesë e rëndësishme e zgjidhjes.
Dhe në vitin 2019 dhe më gjerë, qeveritë lokale dhe shtetërore duhet të ndërmarrin një qasje strategjike për të ndihmuar suksesin e startup-eve dhe ekosistemeve sipërmarrëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
