Dhe ndërsa disa deklarata janë të lehta për t’u shkruar të tjerat mund të jenë më të vështira për t’u dalluar sidomos kur ekspertët janë në mosmarrëveshje.
Por sipas David Bach, një milioner dhe autor bestselling, i cili po publikon një version të përditësuar të librit të tij hit “The Automatic Millionaire” këtë Dhjetor, ka dy pjesë të këshillave financiare që duhen shmangur me çdo kusht nëse doni të përfundoni të pasur: Mos blini një shtëpi dhe mos përdorni një plan 401 (k).
Le t’i thyejmë këto dy mite:
Blerja e një shtëpie
Megjithëse disa kundërshtarë të pronave pohojnë se është një investitim i keq madje edhe ‘vetëvrasje financiare’, duke cituar shpenzimet e tepërta dhe shpesh të fshehura, si dhe humbjen e lirisë që vjen pas kësaj, Bach argumenton se zgjedhja për të blerë në vend të qerasë ju vendos për një të ardhme financiare të frytshme. Pagimi i hipotekës eleminon shpenzimet mujore të strehimit, duke ju mundësuar që të vazhdoni të rrisni pasurinë tuaj në mënyra të tjera.
“Ju duhet të jetoni diku për pjesën tjetër të jetës tuaj. Ju ose do të jeni duke paguar një pronar, i cili po ndërton pasuri ose do të paguani veten tuaj,” shpjegon ai. “Siguria përfundimtare financiare vjen nga blerja e shtëpisë në të cilën jetoni, duke paguar dhe duke e marrë atë pa borxhe.”
Bach jep shembullin e një çifti që bleu një shtëpi me vlerë mesatare rreth 250,000 $, për të rritur fëmijët e tyre. Ata punuan për të paguar hipotekën e tyre në fillim dhe e zotëruan atë plotësisht në 18 vjet. Në vend që të transferoheshin në një shtëpi më të madhe sapo kishin larë hipotekën, ata u futën në një shtëpi tjetër me madhësi të ngjashme dhe e paguanin atë duke lënë me qera vendin e tyre origjinal. Pas disa vitesh, çifti kishte fituar të ardhura të qëndrueshme nga shtëpia e tyre me qera dhe jetonin pa borxhe në një shtëpi që tashmë kishin në pronësi.
Ndërkohë që edhe pse kjo situatë nuk do të funksionojë për çdo familje, ajo që thotë Bach ende qëndron: Zotërimi i një shtëpie mund të ndihmojë në krijimin e rrugëve për të ndërtuar pasuri, qoftë nga përfitimi i një qeraje ose nga kursimi i parave që do të shkonin për qeranë.
Përdorimi i planit 401 (k)
Shumica e kompanive ofrojnë plane 401 (k) – një lloj llogarie e daljes në pension që ju jep avantazhe të mëdha tatimore dhe ju lejon të kombinoni më shumë para me kalimin e kohës.
Kjo do të thotë para falas.
Por kritikët thonë se plani 401 (k) nuk ia vlen, sepse është parashikuar në kthimet e supozuara të taksave që vijnë me tarifa të mëdha. Të tjerë theksojnë se shumë amerikanë futen në planet e tyre 401 (k) kur ata janë ngushtë për para ose hasin vështirësi, duke mohuar shumë nga përfitimet e llogarisë së daljes në pension.
Por shumica e ekspertëve financiarë (përfshirë Bach) ende bien dakord se kjo është një mënyrë solide për të ndërtuar pasuri.
“Një 401 (k) është një nga investimet më të mira”, shkruan Ramit Sethi, autori bestselling i “Do t’ju mësoj sesi të bëheni të pasur”. “Bëhet fjala për para që grumbullohen vit pas viti dhe ju fitoni më shumë. Vendoseni një herë dhe mund të dilni në pesion më herët dhe të jetoni më mirë kur ta bëni këtë”.
Blerja e një shtëpie dhe hapja e një 401 (k) nuk mund të jenë këshillat financiare më komode, por ato janë praktike.
“Ato janë parime të përjetshme për të ndërtuar pasuri në mënyrë të mërzitshme, por që ende funksionojnë”, thotë Bach.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
