Buxheti 2022 - Mbështetje për biznesin e vogël dhe startup-et - Business Magazine Albania

Buxheti 2022 – Mbështetje për biznesin e vogël dhe startup-et

biznesin e vogël

Kryeministri Edi Rama dhe ministrja e Financave dhe Ekonomisë, Delina Ibrahimaj kanë prezantuar buxhetin 2022 dhe paketën fiskale për biznesin e vogël. Rama theksoi se bizneset e vogla më parë ishin 60 mijë dhe tatoheshin 10 për qind, ndërsa sot bizneset e vogla janë 110 mijë dhe tatohen zero. Kreu i qeverisë deklaroi se biznesi i vogël po rikuperohet nga pandemia. Deri në muajin tetor 2021 rezultojnë 2400 biznese më shumë se përpara mbylljes nga pandemia.

‘Sot ne kemi shifrën tjetër të rëndësishme për rimarrjen e gjithë ritmit nga biznesi i vogël pas mbylljes dramatike nga pandemia dhe faktikisht në tetor 2021 kur është bërë edhe numërimi më i fundit, janë 2400 biznese të vogla më shumë se sa përpara mbylljes nga pandemia. 67% e bizneseve të vogla janë me certifikatë elektronike, dhe 30% e bizneseve të vogla që lëshojnë faturë fiskale.” theksoi Rama.

Gjithashtu një temë që u prek gjatë takimit ishin Zyrat e Punës, të cilat do të ristrukturohen, pasi janë pasive, ndërsa biznesi i vogël do të përfitojë fonde nga shteti për trajnimin e kandidatëve.

“Skema me zyrat e punës kështu siç është, ka nevojë për një rishikim sepse është pasive, ndërkohë që agjencia do të marrë nga bizneset nevojat dhe bizneset do të paraqiten me emra kandidatë, por që kanë nevojë për kualifikim, atëherë mbështetja me kualifikim do të bëhet drejtpërdrejtë pranë bizneseve dhe kur të marrë këtë fond do të bëjë edhe punësimin, se për një numër profilesh, janë bizneset që mund të bëjnë trajnimin”, tha Rama.

Lexoni: Rimëkëmbje në turizëm, mes sfidash të forta  

Ministrja Ibrahimaj bëri me dije se do të vihet në dispozicion një fond prej 250 milionë lekësh për startup-et, si dhe një sërë programesh për nxitjen e punësimit, që synojnë rreth 5 mijë individë të hapin bizneset e tyre.

Ministrja theksoi se për 8 vite, numri i bizneseve të vogla u rrit me 155 % duke u shtuar me mbi 67 mijë biznese.

“Këto shifra tregojnë se ne kemi përmirësuar klimën e biznesit duke e konsideruar biznesin e vogël një potencial jo vetëm në zhvillimin ekonomik të vendit, por dhe potencial në ndërkombëtarizimin e produkteve shqiptare”.

Ibrahimaj shtoi se biznesi është mbështetur me fonde të ndryshme. “Në buxhetin e vitit 2022 janë parashikuar 250 milionë lekë, të cilat do të shkojnë në mbështetje të startup-ve dhe do të shkojnë në zhvillim të ideve të biznesit. Kjo është mbështetja që qeveria shqiptare ka parashikuar në buxhet, por ndërkohë janë një sërë donatorësh ndërkombëtarë të cilët mbështesin biznesin e vogël dhe iniciativën e lirë të biznesit.”

Ibrahimaj u ndal edhe te programet e nxitjes së punësimit, ku buxheti i vitit 2022 do të vazhdojë të nxisë punësimin.

“Janë shtatë programe me të cilët synohet të nxiten rreth 5 mijë individë që do të zhvillojnë aftësimin e tyre me idenë se do të hapin bizneset e tyre. Gjatë gjithë qeverisjes AIDA i ka ardhur në ndihmë startup-ve, i ka ardhur në ndihmë bizneseve të reja duke dhënë rreth 350 milionë lekë fonde dhe për vitin e ardhshëm kemi menduar që pranë AIDA të hapet një sektor i veçantë i cili do të merret më trajnimin e bizneseve duke menduar dhe programet e suksesshme që kanë pasur donatorët ndërkombëtarë. Me mbështetjen e BE-së, do kemi një fond të veçantë për garancinë rinore, nëpërmjet të cilit do t’i bëjmë një premtim çdo të riu deri 29 vjeç, i cili brenda katër muajsh ose do të mbështetet nga një program punësimi, ose nga një program formimi apo arsimimi”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0