Zvicra renditet më e larta në “Indeksin e Punëtorëve të rinj” e PwC, e cila krahason tetë masa të ndryshme të punësimit dhe arsimit. Gjermania vjen e dyta. SHBA është numri i 10-të në listë dhe Mbretëria e Bashkuar është e 21-ta. Europianët jugorë kanë paraqitjen më të keqe, duke treguar ndikimin më të gjatë që qëndrueshmëria e krizës financiare dhe krizës së borxhit Europian ka pasur te të rinjtë atje. Italia vjen e fundit në indeksin, ku 35% nuk kanë punë dhe nuk janë në shkollë. Nëse Italia përmirësohet në nivelin e Gjermanisë, GDP e saj mund të rritet me 156 miliardë $, thuhet në raport. Një raport i veçantë i publikuar javën e kaluar tregoi se një në 10 italianë nën 34 vjeç jetojnë në varfëri.
| Shteti | renditja e indeksit PwC | norma NEET* | Rritja potenciale e GTP |
|---|---|---|---|
| Turqia | 31 | 36.3% | 67 billionë $ |
| Portugalia | 32 | 23.9 | 10 |
| Spanja | 33 | 29 | 80 |
| Greqia | 34 | 31.3 | 14 |
| Italia | 35 | 35 | 156 |
| *NEET–do të thotë jo në arsim, punësim apo trajnim |
Pse vendet si Gjermania dhe Zvicra performojnë kaq mirë? Qeveritë e tyre drejtojnë “sisteme të dyfishta arsimore” që përfshijnë trajnime profesionale në arsimin formal për të përgatitur më mirë të rinjtë për punë dhe biznese në mënyrë aktive që të shënjestrojnë të rinjtë. Së fundmi, Gjermania dhe Zvicra rekrutojnë njerëz nga një shumëllojshmëri e gjerë të përkatësive ekonomike duke ulur punësimin informal dhe përdorimin e kualifikimeve si një filtër në procesin e rekrutimit.
Raporti PwC thekson Mbretërinë e Bashkuar, ku 17% e të rinjve nuk janë në punë, shkollë ose trajnim. Në qoftë se kjo bie në 10%, Britania mund të shtojë 45 miliardë £ (65 miliardë $) për rritjen e saj ekonomike, ose 2.3% e PBB-së, thuhet në raport. Një pjesë e problemit në Britaninë e Madhe është stigma sociale bashkangjitur formimit profesional; Stazhi i punës nuk konsiderohet si shteg i vlefshëm i karrierës. Kjo ka ndihmuar të krijojë një hendek mes aftësive që ka nevojë Britania e Madhe dhe ato që të rinjtë e saj kanë. Midis 2005 dhe 2010, 59% e të diplomuarve ishin në punë që nuk kërkonin një diplomë.
Qeveria britanike është duke u përpjekur për të rregulluar këtë problem dhe do bëjë që kurset e zanatit të kenë të njëjtën vlerë sociale dhe ligjore si një diplomë universitare. Ajo ka në plan për të rritur numrin e këtyre kurseve me 3 milionë deri në vitin 2020. Vendet që janë në krye të indeksit PwC gjithashtu kishin GDP më të lartë për frymë. Por kjo nuk vjen falas. Këto vende shpenzojnë më shumë për arsimin.
burimi: qz.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
