U mbajt në Tiranë në këtë fundjavë Bootcamp i Sipërmarrjes, pjesë e Youth Entrepreneurship Education Program (YEEP) organizuar nga Changemakers Albania, në bashkëpunim me MeOut Group, financuar nga Bashkimi Europian.
Bootcamp ishte konceptuar për të motivuar të rinjtë që pëlqejnë sipërmarrjen, përmes këshillave dhe historive që do të ndanin sipërmarrësit/trajnerë.
Drejtoresha ekzekutive e Changemakers Albania, Reila Bozdo, hapi eventin e 19 Shkurtit duke prezantuar Adam Eross, koordinator projekti i MeOut Group.
Më tëj, zonja Rafaela Rica ndau rrugëtimin e saj si sipërmarrëse. Ajo i nxiti të rinjtë të shikojnë kudo për mundësi të reja, të cilat mund të kthehen në ide biznesi të suksesshme.
Sipas saj, edukimi është bazë për zhvillimin e sipërmarrjes, ndaj duhet të jeni kuriozë për të mësuar.
Një tjetër folës ishte z. Gentjan Shaqiri, pedagog në Fakultetin e Ekonomisë, Universiteti i Tiranës.
Lexo: Microsoft po mendon mënyra se si AI mund të sjellë përfitime nga reklamat
Z.Shaqiri, zhvilloi më të rinjtë lojëra interaktive, duke theksuar rëndësinë e komunikimit dhe ndërveprimit në sipërmarrje.
Dritan Mezini, ekspert në fushën e teknologjisë dhe sipërmarrës, tha se të rinjtë duket t’i integrojnë njohuritë e tyre me përdorimin e internetit dhe mjeteve digjitale, si një prej zgjidhjeve më të mira për të qenë efektivë.
Ky event zhvillohet me 20 Shkurt dhe 21 Shkurt, përkatësisht në Elbasan dhe Durrës
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
