Pa marrë parasysh nëse jetën na e veshtirëson ndotja e pafundme, erërat e çuditshme apo të qenit gjithnjë në nxitim.
Me këtë në mendje, një studio e dizajnit në Amerikë ka instaluar “Kuti plastike për boks” në Manhatan duke shpresuar që banorët të mund të shfryjnë stresin e tyre të përditshëm në një mënyrë të shëndetshme dhe jo ta lëshojnë atë te fqinjët e tyre.
Dhe për ata që ishin të hutuar nga vendosja e papritur e këtyre çantave të shndritshme, të verdha, ekipi që i vendosi, i shoqëroi instalimet me një deklaratë, e cila thotë:
“Koncepti ka për qëllim dizajnimin e hapësirave të përbashkëta për emocionet me të cilat përballemi të gjithë.
Mirë ose keq, përdërisa udhëtojmë në jetë, ne duhet të përballemi me një numër të madh frustrimesh. Frustrimet që shkojnë përtej sistemeve të projektuara dhe ndodhin, pasi jemi qenie njerëzore.
Kutia publike për boksim ofron një mundësi për t’i shkarkuar këto emocione si një mjet për të zhvilluar një mënyrë më të shëndetshme për trajtimin e problemeve personale në një mjedis publik”.
“Sipas studios, njujorkezët nga të gjitha sferat e jetës e mirëpritën iniciativën”, me grushte, të shtyrë nga zhgënjimi dhe gëzimi”.
“Kjo nuk duhet të tingëllojë si befasi pasi amerikanët janë ndër popujt më të stresuar në botë, sipas një sondazhi të muajit të kaluar, me anketime që tregojnë se zemërimi, stresi dhe shqetësimi kanë arritur nivelin më të lartë në një dekadë, njoftoi New York Times.
Në Shtetet e Bashkuara, 55 për qind e të rriturve thanë se përjetuan stres gjatë gjithë ditës para se të vëzhgoheshin, ndërkohë që vetëm 35 për qind e të anketuarve globalë dhanë të njëjtën përgjigje. SHBA renditet pranë Greqisë, e cila është e para me qytetarët më të stresuar në botë që nga viti 2012.
Kështu që, mund të vëmë bast që derisa gjërat të ndryshojnë për mirë, kutitë publike janë një ide e shkëlqyer edhe për vende të tjera. Pse jo Shqipëria?!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
