"Bleta e artë 2015", eventi gala i sipërmarrësve më të mirë të vitit

“Bleta e artë 2015,” eventi gala i sipërmarrësve më të mirë të vitit


Kryeministri Edi Rama mori pjesë në mbrëmje e djeshme në eventin gala për vlerësimin e sipërmarrësve më të mirë të vitit “Bleta e Artë 2015”, të zhvilluar në Teatrin Kombëtar, organizuar nga Ministria e Zhvillimit Ekonomik, Turizmit, Tregtisë dhe Sipërmarrjes, dhe me mbështetjen e Biznes Albania dhe Unionit të Dhomave të Tregtisë dhe Industrisë. Në këtë event u ndanë plot 50 çmime për sipërmarrjet, dy ndër të cilat shkuan për mbështetësit e “Albanian ICT Awards”, konkretisht EasyPay dhe Raiffeisen Bank. Këto vlerësime publike u bënë për talentet, vullnetet dhe sukseset e biznesit. Mbështetësit e “Albanian ICT Awards” u renditën si dy ndër 50 kompanitë fituese të vlerësuara me çmim. EasyPay u nderua me “Çmimi i Teknologjisë së Informacionit”, ndërsa Raiffeisen Bank me “Çmimi për Përgjegjshmërinë Sociale”.

Kryeministri u shpreh se këto çmime jepen për sipërmarrës që janë “njerëz të zakonshëm, të cilët përgjithësisht janë nga familje pa emër, shpesh herë nga familje të varfra me diploma, por shpesh herë pa shkollë, të cilët vrapuan më shpejt në hapësirën që krijoi liria”.

“Ata gjetën të ardhmen në miliona rrugë, në miliona shtigje, fillimisht në hapësirën që krijoi shteti. Aventurierë që panë të ardhmen aty ku të tjerët shihnin vetëm pengesa dhe varfëri. Sipërmarrës që arritën të bënin të paimagjinueshmen. Monumente që u kthyen në kompani, që krijuan punësim të vazhdueshëm, ekonomi”- tha Rama.

Natyrisht, vijoi kryeministri, “historia e re dhe e shkurtër e sipërmarrjes sonë është plot dritë-hije”, duke shtuar se në 20 e ca vjet asnjëherë sipërmarrja nuk u vlerësua dhe se gjithnjë u pa si një punë e dorës së dytë”.

Kryeministri theksoi se nëse arrijmë që të forcojmë shëndetin e marrëdhënies, mes shtetit dhe sipërmarrjes atëherë frytet do të jenë edhe më të mëdha në të mirë të popullit që do të gjeneronte edhe me vende të reja pune.

Çmimet që u ndanë në “Bleta e Artë” 2015

Administratorja e vitit – Ogerta Manastriliu, drejtuese e QSUT-s
Administratori i vitit – Ardian Çela, kreu i OSHEE-së

Çmimi “Made in Albania” – Oliv Oil
Çmimi “Sipërmarrja inovative” – Çelësi Media Group
Çmimi “Gruaja sipërmarrëse” – Eleni Babameto
Çmimi “Vula e cilësisë” – Agro Al
Çmimi “Përgjegjësi sociale” – Bloja sh.a
Çmimi “Sipërmarrësit e rinj” – D@g
Çmimi “Sipërmarrje në kulture” – Fondi Shqiptaro-Amerikan i Zhvillimit
Çmimi “Sipërmarrësit në industri” – Dekoll
Çmimi “Biznesi i vogël” – Mcp
Çmimi “Shija e posaçme” – Rapsodia
Çmimi “Mikpritja e spikatur” – Hotel Tirana
Çmimi kategoria e punësimit – Ama dress

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0