Elon Musk ka krijuar një kompani të re, të dedikuar për inteligjencën artificiale. Ajo quhet X.AI.
Kompania, për të cilën një dosje në Nevada tregon se ishte regjistruar muajin e kaluar, ka si drejtor Ekon Musk. Jared Birchall, përfaqësues i familjes Musk është listuar si sekretar.
Sipas The Verge, Musk e ka regjistruar biznesin më 9 mars 2023.
Thashethemet rreth krijimit të një kompanie të inteligjencës artificiale nga ana e Musk janë përhapur tash e disa ditë, me një raport nga Business Insider që zbuluan se Musk ka blerë mijëra njësi të procesimit grafik (GPU) për të fuqizuar një produkt gjenerues të inteligjencës artificiale.
Financial Times raportoi në mënyrë të ngjashme se Musk planifikoi të krijonte një firmë të inteligjencës artificiale për të konkurruar me OpenAI, e mbështetur nga Microsoft. Madje, Musk thuhet se ka kërkuar fonde nga investitorët e SpaceX dhe Tesla për të nisur punën në këtë kompani.
Lexo: Synon të bëhet superfuqi, Hungaria “Me zhurmë të madhe”
Gjatë një interviste në Twitter Spaces, kur u pyet për të gjitha GPU-të që bleu, miliarderi nuk përmendi planet e tij për të ndërtuar një kompani të inteligjencës artificiale, duke thënë: “duket sikur shumë njerëz po blejnë GPU në këtë pikë”.
Emri i supozuar X.AI përputhet me emrin e markës të X Corp. që ka caktuar me kohë në Twitter, së bashku me etiketën “X” që ka aplikuar në vizionin e tij të një “aplikacioni për gjithçka”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto