BE u kërkon kompanive BIG të teknologjisë të marrin përgjegjësi për kontrollin e internetit ose të përballen me gjoba marramendëse

BE do t’u kërkojë kompanive BIG, të tilla si Facebook dhe Amazon të marrin përgjegjësi më të madhe për kontrollin e internetit ose do të përballen me gjoba deri në 6 përqind të xhiros së tyre, sipas një rregulloreje që do të publikohet javën e ardhshme.

Kompanitë e mëdha të teknologjisë do të duhet të kontrollojnë furnizuesit e palëve të treta si shitësit që shesin produkte në Amazon dhe të ndajnë të dhënat me autoritetet dhe studiuesit se si ata moderojnë përmbajtjen e paligjshme, sipas dokumentit konfidencial.

Platformat e mëdha në internet do të duhet të sigurojnë një transparencë më të madhe të reklamave duke u bërë të ditur përdoruesve “në një mënyrë të qartë dhe jo ambigue dhe në kohë reale” se po shikojnë një reklamë. Konsumatorëve gjithashtu do t’ju duhet tu tregohet se kush qëndron prapa reklamës dhe t’u jepet “informacion domethënës në lidhje me parametrat kryesorë të përdorur për të përcaktuar” pse u shfaqën tek ata.

Për herë të parë, rregullatorët në Bruksel përcaktojnë “platforma shumë të mëdha” si ato me më shumë se 45 milion përdorues, ose ekuivalentin e 10 përqind të popullsisë së bllokut. Plani synon kompani të tilla për shkak të “ndikimit të tyre joproporcional” mbi përdoruesit e internetit në BE.

“Platformat shumë të mëdha tani kanë një rol sistemik në amplifikimin dhe formësimin e rrjedhave të informacionit në internet dhe për pjesën më të madhe të qytetarëve të BE-së,” citohet në draftin e rregullores.

Sipas draftit, platformat e mëdha, shumica e të cilave janë të vendosura në SHBA, do të duhet të caktojnë “një ose më shumë” burime njerëzore për t’u siguruar që ata të respektojnë rregullat e reja të Aktit të Shërbimeve Dixhitale.

LEXO: Këta influencerë në fushën e teknologjisë fitojnë 165,000 € në muaj nga YouTube

Mosrespektimi do të çojë në gjoba deri në 6 përqind të xhiros së tyre totale në vitin precedent financiar, zbulon dokumenti. Mënyra e gjobave do të varet nga ashpërsia e shkeljeve, sa kohë janë kryer dhe nëse ato përsëriten, shkruhet në draft.

BE po bën rishikimin e saj të parë të madh të rregullave të bllokut për  internetin në dy dekada, duke adresuar gjithçka, nga niveli i përgjegjësisë që duhet të kenë platformat online kur bëhet fjalë për heqjen e përmbajtjes së paligjshme deri te mënyra se si të frenohet fuqia e tyre në rritje e tregut.

Platformat e mëdha në internet janë “aty ku arrihet audienca më e madhe – dhe, potencialisht, shkaktohen dëmet më të rënda”, thuhet në dokumentin konfidencial.

“Platforma të tilla shumë të mëdha online duhet të mbajnë standardin më të lartë të detyrimeve të kujdesit të duhur, proporcional me ndikimin dhe mjetet e tyre shoqërore.”

Thierry Breton, komisioneri francez që drejton nxitjen për rregullimin më të rreptë të Big Tech, tha qershorin e kaluar se: “Platformat online kanë marrë një rol qendror në jetën tonë, ekonominë dhe demokracinë tonë. Me një rol të tillë vjen një përgjegjësi më e madhe, por kjo mund të ndodhë vetëm në sfondin e një rregulli modern për shërbimet dixhitale. ”

Grupet e mbrojtjes së konsumatorëve kanë paralajmëruar në mënyrë të përsëritur që konsumatorët janë të ekspozuar ndaj mashtrimeve në internet ose produkteve false e me defekte pa mbrojtje ligjore në internet.

Monique Goyens, CEO i Beuc, një organizatë ombrellë e shoqatave europiane të konsumatorëve, tha se Ligji i Shërbimeve Dixhitale “do të lejojë BE-në të ketë mjete më të mira për të siguruar që ekonomia dixhitale të funksionojë në të mirë të konsumatorëve sesa të maksimizojë fitimet e gjigandëve të “teknologjive të mëdha. Ka ardhur koha për t’i dhënë fund aftësisë së gjigantëve të teknologjisë për të luajtur ekonominë dixhitale për t’iu përshtatur interesave të tyre të ngushta,” shtoi ajo.

FINANCIAL TIMES

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale