BE përgatitet për hapjen graduale të kufijve mes 26 vendeve - Business Magazine Albania

BE përgatitet për hapjen graduale të kufijve mes 26 vendeve


Në javën e dytë të majit, Bashkimi Europian pritet të bëjë të ditur planet për heqjen e kontrolleve të brendshme kufitare brenda zonës pa pasaporta.

Komisionerja e çështjeve të brendshme të BE-së, Ylva Johansson ka thënë para eurodeputetëve se Komisioni do të paraqesë udhëzime për heqjen e kontrolleve të brendshme kufitare në zonën e udhëtimit të lirë të Shengenit me 26 vende, ndonëse thekosi se heqja tërësisht e kufizimeve kombëtarë do të kërkojë kohë.

Sipas saj, “Situata tani është e qëndrueshme, por nuk do të thotë se është e pranueshme, e preferueshme ose e zbatueshme për të ardhmen. Njerëzit janë kuptueshëm të zemëruar, të irrituar, gjë që tregon se lëvizja e lirë është bërë pjesë e jetës sonë të përditshme”.

Ekzekutivi i BE-së po u bën thirrje vendeve që të koordinojnë heqjen e kufizimeve, ndryshe nga si u veprua fillimisht kur pandemia goditi dhe qeveritë vendosën kufizime të shpejta, që sollën edhe pakënaqësi në disa raste.

Komisionerja paralajmëroi qeveritë kundër çdo rihapjeje selektive të kufijve: “Asnjë diskriminim: vendet anëtare mund të hapin kufij për qytetarët nga një vend i BE, por jo nga vendet e tjera”, tha ajo.

Mes vetë BE-së, kufijtë e Francës do të qëndrojnë të mbyllura deri në një njoftim të dytë dhe jo para 15 Qershorit, sipas ministrit të Brendshëm francez, Christophe Castaner.

Reuters

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0