Banka e Shqipërisë paralajmëron rrezikun e përdorimit të monedhës virtuale BITCOIN

Banka e Shqipërisë paralajmëron rrezikun e përdorimit të monedhës virtuale BITCOIN


Banka e Shqipërisë i bën apel publikut shqiptar për rrezikun e investimit në monedhën virtuale BITCOIN. Në një deklaratë, Banka e Shqipërisë sqaron se kuadri ligjor në fuqi nuk e parashikon përdorimin dhe tregtimin e monedhave virtuale dhe, rrjedhimisht, në Shqipëri nuk mund të ketë subjekte të liçencuara për aktivitete të këtij lloji.

Në kushtet e mungesës së rregullave që do të disiplinonin aktivitetin financiar dhe mbikëqyrjen e tyre, për Bankën e Shqipërisë, veprimtaria e këtyre subjekteve karakterizohet nga një shkallë e lartë rreziku, pa garanci për mbrojtjen e klientëve nga humbja në investim. Banka e Shqipërisë sjell në vëmendje se investimi në monedha virtuale mbart rreziqe të shumta, të natyrave të ndryshme.

Vlera e monedhave virtuale të tregtuara apo investuara në platformat përkatëse të këmbimit është e paqëndrueshme dhe e pa garantuar. Tregtimi mund të manipulohet duke bërë që investuesi të përballet me humbje të mëdha. Këmbyesit e parasë virtuale janë shoqëri të panjohura, të parregulluara apo regjistruara në një juridiksion të caktuar.

Lexoni: Kosova me sytë nga Bitcoin, investojnë rreth 800 mijë euro

Kushdo që investon paratë e tij në monedhë virtuale, do të përballet me rrezikun e humbjes së tyre, si rrjedhojë e mashtrimeve apo e problemeve të natyrave të ndryshme që shoqëritë mund të shfaqin. Platformat janë vetëm virtuale dhe mjaft të ekspozuara ndaj sulmeve kibernetike, çka mund të sjellë humbjen e plotë të investimit, pa asnjë mundësi rikuperimi. Investimi në këto monedha është anonim dhe mund të përdoret nga individë të caktuar edhe për të mundësuar aktivitete të jashtëligjshme. Një shqetësim më vete është edhe keqpërdorimi i të dhënave personale, citon njoftimi i BSH-së.

Sipas BSH-së, regjistrimi në këto platforma kërkon identifikim përmes të dhënave personale, madje edhe biometrike. Duke qenë se platformat nuk janë subjekt i ligjeve dhe rregullave për mbrojtjen e të dhënave personale, nuk ka asnjë garanci që këto kredenciale do të administrohen në mënyrë të sigurtë për të shmangur vjedhjen apo keqpërdorimin e tyre.

Për shkak të rreziqeve të larta, Banka e Shqipërisë i bën apel publikut që të shmangë investimin në monedhë virtuale dhe t’i orientojë ato drejt produkteve dhe instrumenteve financiare të ofruara nga b dhe të mbikëqyrura.

Lexoni: Po nëse flluska e Bitcoin “shpohet”?

burimi: ata.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0