Banka e Shqipërisë: Inflacioni do të kthehet në objektiv në 2024-ën - Business Magazine Albania

Banka e Shqipërisë: Inflacioni do të kthehet në objektiv në 2024-ën

Banka e Shqipërisë

Kriza e çmimeve do të godasë xhepat e qytetarëve të paktën deri në fillim të vitit 2024.

Janë këto vlerësimet e Bankës së Shqipërisë, sipas të cilës pasojat e luftës në Ukrainë që ka sjellë ndërprerje në prodhim e shpërndarje të mallrave do të jenë afatgjata dhe do të mbajnë gjatë inflacionin mbi objektiv, rritja e të cilit sipas saj po shfaq efektet e para në ngadalësimin e ekonomisë.

“Inflacioni në vend do të mbetet në nivele relativisht të larta gjatë periudhës në vijim. Në pjesën më të madhe, rritja e inflacionit u shkaktua nga goditjet e ofertës, të ardhura nga rritja e çmimeve të ushqimeve dhe të naftës.Çmimet e larta në tregjet botërore, kërkesa e rritur agregate, si dhe dinamikat e tregjeve të punës, pritet ta mbajnë inflacionin pranë niveleve aktuale gjatë vitit 2022. Më tej, ai pritet të vijë në rënie graduale gjatë vitit 2023 dhe të kthehet në objektiv në gjysmën e parë të vitit 2024″, tha Guvernatorit Sejko.

Guvernatori i Bankës së Shqipërisë, Gent Sejko tha se ndërsa rreziqet për ekonominë janë shtuar, banka po mban nën monitorim situatën dhe është e gatshme të ndërhyjë në çdo rast nevoje për stabilitetin e çmimeve.

Vetëm pak kohë më parë, me qëllim zbutjen e goditjes nga shtrenjtimi i fortë i çmimeve banka rishikoi politikën monetare duke dyfishuar normën bazë të interesit, që sipas saj po fillon të japë ndikim në zbutjen e efekteve negative të krizës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0