Binjaket 13 vjeçare po fillojnë biznesin e tyre të modës për të plotësuar ëndrrën e tyre - Business Magazine Albania

Binjaket 13 vjeçare po fillojnë biznesin e tyre të modës për të plotësuar ëndrrën e tyre


2 vajza 13 vjeçare nga Sidney po tentojnë të fillojnë startup-in e tyre me një linjë byzylykësh mode dhe të plotësojnë ëndrrën e tyre për të drejtuar një biznes së bashku.

 

Ndërsa pjesa më e madhe e adoleshentëve janë të zënë në kohën e pushimeve nga shkolla, motrat binjake Summer dhe Piper Workman kanë lançuar një fushatë crowdfunding për të kthyer në realitet idenë e tyre të biznesit. Vajzat po kërkojnë nga publiku të mbledhin 8000 dollarë australianë për të bërë parapagimin minimal që i kërkohet nga prodhuesit. Ata deri më tani kanë mbledhur 400 dollarë në 24 orët e para të fushatës së tyre në Kickstarter.

 

Piper u shpreh për SmartCompany se ajo dhe e motra kanë punuar fort gjatë muajve të kaluar për të zgjedhur modelet dhe një prodhues për to.

“Vendosëm të bënim byzylykët sepse ndryshe nga veshmbathjet, për to ka masa gjithmonë dhe është shumë më e thjeshtë të blesh një byzylyk se sa të zgjedhësh një veshje për një shoqe,” – tha Workman.

“Ne punuam gjatë periudhës së pushimeve dhe vendosëm të lançohemi në 22 Shtator pasi kështu do të quhet edhe marka jonë.”

Byzylykët vijnë në 5 ngjyra të ndryshme, Sidoqoftë, nëse fushata crowdfunding do të rezultojë e suksesshme binjaket shpresojnë të ofrojnë për klientët e tyre plot 22 ngjyra të ndryshme.

Adoleshentet zgjodhën emrin 2WENTY2WO (njëzeteedy) për biznesin e tyre pasi në këtë datë është ditëlindja e tyre.

 

Summer tha për SmartCompany se ajo inkurajon edhe adoleshentët e tjerë për te menduar në këtë mënyrë dhe për të krijuar produktet e tyre.

“Këshilla jonë do ishte thjesht filloni,” thotë ajo. “Gjëja e bukur që ka KickStarter është se e kupton nëse njerëzve do ju pëlqejë ideja nëse ata do ta financojnë atë. Nëse nuk mbledh fonde, mbase nuk është ideja e duhur.”

Rebekah Campbell, themeluese dhe shefe ekzekutive e kompanisë Posse, tha për SmartCompany se është e thelbësore që të rinjve tu jepet mundësia të mësojnë mbi sipërmarrjën që në moshë të hershme.

“Nëse filloni në moshë shumë të re, e kuptoni shumë shpejt se mund të bëni diçka me një ide,” – thotë Campbell.

“Kur isha 7 vjeç shisja lule jashtë shtëpisë së prindërve të mi. Ditën e parë nuk shita asnjë lule, por ditën tjetër unë shtova edhe disa tullumbace dhe kështu shumë njerëz më panë dhe ndaluan për të blerë lulet. Më pas unë kisha një biznes të vogël ku mblidhja topa golfi dhe i shisja tek dyqanet. Duhet filluar sa më herët ndaj sa më shumë ti inkurajojmë fëmijët tanë të mendojnë për sipërmarrje, aq më mirë do jetë.”

Campbell vëren se është gjë e mirë kur shikon se sa shumë mbështetje ka në ditët e sotme për të rinjtë që duan të fillojnë një diçka të tyren apo të ndërtojnë një produkt të tyrin, por beson se duhet bërë edhe më shumë.

Në këtë mënyrë, fëmijët do të arrijnë të kuptojnë se kanë opsionin për të filluar biznesin e tyre në vend që të mendojnë thjesht të ndjekin rrugën tradicionale të karrierës, shton ajo.

“Duhet tu jepni fëmijëve mundësi për të zbuluar talentin e tyre,” vazhdon Campbell. “Ndonjëherë talenti i tyre lidhet me shitjen apo me krijimin, por ata kanë nevojë për këto mundësi që të eksperimentojnë me sipërmarrjen. Përndryshe, ata kurrë nuk do ta kuptojnë se ata i mbartin këto talente.

“Më pas mund te shikoni se si ndryshon perspektiva e të vështruarit të gjërave për ta…në vend që të thonë se ‘kur të rritem dhe do punoj në një dyqan’ ato do thonë ‘kur të rritem do të krijoj produkte fantastike’.”

 

Sipas Campbell tashmë mundësitë për sipërmarrësit e rinj janë të pafundme falë Internetit dhe platformave Crowdfunding të tilla si Kickstarter dhe Pozible.

“Ti bësh fëmijët të mëndojnë si sipërmarrës është e rëndësishmë,” thotë ajo. “Nëse unë nuk do ti kisha pasur përvojat e mia të para që në fëmijëri, me siguri nuk do të kisha vazhduar këtë rrrugë. Brezi ynë shiste limonata përpara shtëpisë, por tani të rinjtë mund të kenë mundësi të futen në tregje shumë më të mëdha.”

 

Binjaket 13 vjeçare po fillojnë biznesin e tyre të modës për të plotësuar ëndrrën e tyre – Ky artikull u publikua së pari tek website Mashable.com nga autori BROEDE CARMODY i Smart Company.

U përkthye dhe u përshtat për shqip nga stafi i BusinessMag.al.

Artikullin origjinal e lexoni nw linkun: Meet the 13-year-old twins launching a fashion business in their holidays

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0