Audi A8 i ri u përdor nga CEO i kompanisë, Rupert Stadler, për të qetësuar situatën dhe sulmet. Se fundmi ai ka qenë nën presion për rolin e kompanisë në skandalin e emetimeve të Volkswagen. Audi është pjesë e Volkswagen Group që prej më shumë se 50 vitesh.
Prezantimi i modelit të ri në Barcelonë me një çmim prej $96.000, u bë i rrethuar nga efekte vizuale mahnitëse dhe makina që rrotullohen. Rupert Stadler, foli shkurtimisht për problemet, ndërkohë që preznatonte Audi A8 e ri dhe linjën e re të makinave elektrike.
Lexoni: Tesla gati për të zbuluar Model 3
“Audi në latinisht do të thotë dëgjo” – u shpreh ai, i cili ka qënë në sulm të vazhdueshëm nga CEO e kompanive të tjera. “Ne dëgjojmë kur duartrokitemi por ne dëgjojmë edhe kur kritikohemi”.
Stadler, i cili mori drejtimin e kompanisë rreth 1 dekadë më parë përballet me testet më të vështira ndërkohë që kontribuesi më i madh financiar i Volkswagen po përjeton probleme pasi emri i saj si një markë premium po venitet. Një dalje në treg e suksesshme e A8, do të ndihmojë përpjekjet e Stadler për të rikthyer kompaninë “në formë”.
Përfitimet e kompanisë nga Ingolstadt i Gjermanisë janë vitale për të mbështetur një goditje financiare nga kjo krizë. Ajo do t’ï kushtonte kompanisë një dëm prej rreth 22 billion euro deri më tani. Të ndjekura nga me shumë investigime dhe gjyqe akoma në pritje.
Çështjet e qëndrueshmërisë
Kjo ka të bëjë shumë me Stadler personalisht, gjithashtu, pasi kthimi masiv i makinave me naftë në Europë, ndodhi vetëm pak javë pasi kontrata e tij u rifreskua edhe me 5 vitet e ardhme. Ky kthim përfshin 24.000 A8 dhe A7 të prodhuara midis viteve 2010-1013, 2 nga makinat më luksoze të markës.
Kjo gjendje ndezi një konflikt midis Stadler dhe Ministrit Gjerman të transporteve Alexander Dobrindt. Në shenjë suporti, CEO i Volkswagen, Matthias Mueller ndoqi eventin e të Martës.
Lexoni: Fundi i të qënit pronar i makinës tënde
A8 i ri, makina e dizenjuar tërësisht nga drejtori i ri i dizanjit të Audi, Marc Lichte, përfshin komanda zanore dhe një motorr elektrik, dhe mund të ecë vetë me shpejtësi të ulët.
Audi A8 është pjesë e strategjisë deri në vitin 2025, për t’u fokusuar në linjën e makinave elektrike. Kompania është duke punuar për nxjerrjen e modeleve të reja si Q8 dhe makinave E-Tron. Këto makina do të vendosin nëse kompania do të rrimarë epërsinë me konkurentët si Mercedes apo BMW.
“Është një makinë e rëndësishme që do ti ndihmojë ata të ecin përpara” – u shpreh Tim Urquhart, një analist nga IHS Automotive në Londër.
Burimi: Bloomberg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
