Në fakt, nuk ka asnjë dyshim që makinat me djegie të brendshme (naftë, benzinë) do të kenë një datë skadence. E sigurtë është që ajo do të ndodhë në një të ardhme jo shumë të largët. Provë është një deklaratë e qeverisë Franceze. E njohur për një traditë të artë të automobilizmit, që me themelimin e Renault në 25 Shkurt 1899, legjendat e rally në gjysmën e dytë të shekullit të 20 e më tej, por edhe për gatishmërinë e saj përsa i përket ndryshimeve të klimës.
“Plan Climat” është plani i publikuar pak ditë më parë. Nën moton “1 planète, 1 plan”, ajo bën disa hapa para drejt ndalimit të shitjes për çdo makinë me naftë ose benzinë deri në vitin 2040.
Lexoni: Tesla gati për të zbuluar Model 3
Agjencia Franceze e Shtypit raporton se ky publikim erdhi si pjesë e një plani për ambjentin të publikuar të Martën nga ministri i ri Francez i mjedisit, Nicolas Hulot. Ky plan reflekton vullnetin dhe dëshirën e presidentit të ri Emmanuel Macron që ta bëjë Francën lider të luftës kundër ngrohjes globale. Ai synon të arrijë eleminimin e karbonit deri në vitin 2050.
Hulot u shpreh se fundi i shitjeve për çdo makinë me djegie të brendshme, do të jetë “revolucion i shëndetshëm”. Kjo do t’i ndihmojë gjithashtu në përmirësimin e shëndetit publik. Ai mendon se prodhuesit francezë të makinave si Renault, Citroën dhe Peugeot, janë në gjendje të përballojnë tranzicionin.
Citohet se sektori i transportit prodhuesi më i madh i gazrave të dëmshëm në vënd dhe ky plani i ri, do të përmirësojë situatën. Në një deklaratë pak ditë më parë, Hulot u shpreh se ky plan është goxha ambicioz, por edhe i realizueshëm. Norvegjia dhe India planifikojnë të bëjnë të njëjtën gjë respektivisht në vitin 2025 dhe 2030.
Lexoni: Fundi i të qënit pronar i makinës tënde
Le Monde raporton se Hulot është duke planifikuar buxhete për të mbështetur blerësit e rinj të makinave. Kjo, vetëm në rast të blerjeve më efiçente. Por, ende asgjë nuk është në zbatim.
CityLab, thotë se megjithëse Franca nuk është vendi i parë, i cili ndërmerr lëvizje të tilla. Por, sugjeron se ajo ja vlen të përmëndet. Ajo ka një popullsi prej 66 milionë banorësh dhe një industri automotive shumë të zhvilluar.
Megjithëse 2040 është larg, por me rritjen e shitjeve të makinave elektrike, plani i Macron dhe Hulot, duket tepër i realizueshëm.
burimi: Road and Track
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
