Apple ka publikuar një reklamë të re ditën e Enjte ku shtron çështjen se pse ju duhet të keni kujdes në lidhje me privatësinë në smartfonin tuaj.
Në videon 45 sekonda, Apple paraqet skenarë të ndryshëm ku njerëzit zakonisht duan privatësi: në shtëpi, në zyrë, ndërsa flasin me të tjerët, në makinë, madje edhe në tualet.
Lexoni: Menjëherë pas Samsung, Huawei prezanton telefonin e tij të palosshëm
Fundi i videos thotë, “Nëse privatësia ka rëndësi në jetën tuaj, duhet të ketë rëndësi edhe në telefonin me të cilin po kaloni jetën tuaj”.
Për më shumë mund të shikoni videon më poshtë:
https://youtu.be/A_6uV9A12ok
Apple ka një faqe të tërë në website e tij të dedikuar vetëm për privatësinë. Nga kodet e klientëve, tek fotot tuaja, në pyetjet që i bëni Sirit, tek Apple Pay, Apple thotë se “nuk i mbledh informacionet tuaja personale për t’ua shitur reklamuesve apo organizatave të tjera” dhe të gjitha të dhënat tuaja janë të sigurta larg nga marketerët, palët e treta dhe madje edhe vetë Apple. Ai gjithashtu shpjegon se si zbaton privatësinë në çdo aplikacion të lejuar edhe në App Store.
Kjo reklamë mund të perceptohet si një mesazh edhe kundrejt konkurrentëve të Apple, përkatësisht Facebook dhe Google, të cilat janë të njohur për monetarizimin e aplikacioneve të tyre duke përdorur të dhënat anonime të përdoruesve për të marketuar platformat e tyre të reklamimit tek palët e treta dhe reklamuesit.
Lexoni: Dorëzohet Apple: “Çmimet tona ndërkombëtare janë qesharake”
Ndërsa Apple ka një rekord mjaft të mirë në privatësinë, nuk ka qenë dhe aq i përkryer. Pak më shumë se një muaj më parë, në fakt, pajisjet e Apple u rrezikuan nga një defekt i madh i FaceTime që lejonte njerëzit të dëgjonin të tjerët, edhe nëse nuk i përgjigjeshin thirrjes. Apple e rregulloi këtë problem brenda një jave.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
