Platforma e rrjeteve sociale e ish-presidentit amerikan, Donald Trump, Truth Social Android, nuk është miratuar në Google Play të kompanisë Alphabet, për shkak të moderimit të pamjaftueshëm të përmbajtjes, shkroi Reuters.
Sipas një zëdhënësi të Google, telefonat Android përbëjnë rreth 40 për qind të smartfonëve në Shtetet e Bashkuara të Amerikës, ndërsa pa dyqanet Google dhe Apple, nuk ka asnjë mënyrë të lehtë për shumicën e përdoruesve të smartfonëve për të shkarkuar platformën Truth Social.
“Më 19 gusht, ne njoftuam Truth Social për disa shkelje të politikave standarde në paraqitjen e tyre aktuale të aplikacionit dhe përsëritëm se të kesh sisteme efektive për moderimin e përmbajtjes së krijuar nga përdoruesit është një kusht i shërbimit për çdo aplikacion të dalë drejtpërdrejt në Google Play”, ka thënë Google përmes një deklarate.
Google tha se i ka shprehur shqetësimet te Truth Social për shkeljet e politikave të saj të Play Store që ndalojnë përmbajtje si kërcënimet fizike dhe nxitjet për dhunë.
Truth Social rivendosi prezencën e Trumpit në rrjetet sociale më shumë se një vit pasi ai u ndalua nga Twitteri, Facebooku dhe YouTube pas trazirave të 6 janarit 2021, ku Trumpi është akuzuar për postime të mesazheve që nxisin dhunën.
reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
