Aplikacioni dua.com arrin 100 mijë përdorues

dua.com

dua.com, platforma, e cila ka për mision bashkimin e shqiptarëve kudo në botë, ka arritur 100 mijë përdorues. Lajmin e ka bërë me dije bashkë-themeluesi i platformës, Valon Asani, në rrjetin social LinkedIn.

Aplikacioni ka pak më tepër sesa 100 ditë që është lançuar zyrtarisht dhe ka arritur që të instalohet mbi 200 mijë herë.

Lexoni: Lançohet dua.com, aplikacioni që bashkon shqiptarët në mbarë botën

Përdoruesit e dua.com jetojnë në 142 shtete të botës. 31.83% e tyre janë nga diaspora shqiptare. Përsa i përket grupmoshës së përdoruesve, 63.3% e tyre janë ndërmjet 18-34 vjeç.

Me një vizion për të krijuar ekosistemin më të madh social për shqiptarët, aplikacioni dua.com do t’ju mundësojë krijimin e njohjeve të reja si të dashurisë gjithashtu edhe atyre shoqërore e lidhjeve të biznesit. Gjithashtu, dua.com do të ofrojë edhe mundësinë për të kërkuar dhe ofruar ndihmë, në mnëyrë që shqiptarët të jenë sa më pranë njëri-tjetrit.

Për të qenë një prej mijëra shqiptarëve të regjistruar në dua.com, mjafton të shkarkoni aplikacionin në telefonin tuaj. Për të bërë një gjë të tillë mjafton të kërkoni për dua.com në App Store ose Play Store.

Përdoruesi mund të krijojë një profil personal. Pasi verifikohet llogaria, përdoruesi ngarkon një foto dhe më pas shkruan të dhënat personale. Pasi profili plotësohet, mund të fillojë përdorimi aktiv i tij.

“dua.com nuk është vetëm një aplikacion, por në vetvete përbën ndryshim. Platforma jonë është një lëvizje, e cila ka si mision bashkimin e shqiptarëve, fillimisht në tre fusha: dashuri, biznes dhe çështje sociale. Padyshim që në objektivat e së ardhmes kemi të përfshirë zgjerimin e këtyre fushave. Ne duam që shqiptarët ta ndihmojnë njëri-tjetrin”, ka thënë më herët për Business Mag, bashkë-themeluesi i platformës, Valon Asani.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale