Anxhela Ferro, shqiptarja që do të dizenjojë mjetet e transportit në Francë

Anxhela Ferro, shqiptarja që do të dizenjojë mjetet e transportit në Francë


Anxhela Ferro, është 22 vjeçarja nga Berati, e cila po ndjek studimet në Francë në degën “Transportation Design”. Shumë shpejt ajo do të jetë shqiptarja që do të dizenjojë mjetet e transportit në Francë, mjete si makina, autobuzë, jahte e shumë të tjera. Me një pasion të madh për pikturën që në moshë të vogël (sepse dizajn-in nuk e dinte që ekzistonte) po shkëlqen në fushën e saj, në një nga universitet më të mira në Francë. Për BusinessMag.al ajo thotë se kjo degë ka parësore plotësimin e nevojave të klientit, prandaj ka zgjedhur të studiojë dizajnin e mjeteve të transportit.

Lexo: Ervis Trupja, shqiptari që i bashkohet ekipit të LinkedIn

Studimet në Montpellier i dhanë njohuri më të thella për artin, e veçanërisht për këtë degë, madje kuptoi se arti përfshinte shumë dimensione. Nuk e pati të lehtë të fillonte të studionte këtë degë. Do të paragjykohej për faktin se ishte degë që e studionin vetëm meshkujt, por Anxhela guxoi dhe ia doli të ketë rezultate të shkëlqyera dhe së shpejti synon të arrijë atje ku ëndërron.

Në klasën e saj janë vetëm tri vajza. Për të arritja më e madhe është studimi i degës që ka ëndërruar. Mbështetja e familjes nuk i ka munguar asnjëherë. Por të studiosh në një vend si Franca ka mjaftueshëm shpenzime dhe kjo e ka nxitur Anxhelën të punojë si babysitter apo punë të tjera që mund të përballojë një student.

Ajo ka bërë shumë punime në kuadër të projekteve shkollore. Fakti që punimet i janë vlerësuar, e ka nxitur të japë maksimumin dhe shpreson shumë që tregu francez ku ajo mendon të zhvillojë karrierën, “t’i përqafojë” këto punime e më tej t’i vendosë në praktikë.

Lexo: Ledian Shera, i riu që po prek ëndrrën e Silicon Valley

“Për mua pasioni nuk mund të ndiqet nga parimet, të dyja shkojnë bashkë me njëra-tjetrën. Një dizenjues i zoti, shpreh në punimet e tij personalitetin dhe udhëhiqet nga parimet”, thotë Anxhela.

Anxhela ka një mesazh për të gjithë bashkëmoshatarët e saj: “Zgjidhni të bëni në jetë atë që mendoni se mund ta bëni më mirë. Nëse udhëhiqeni nga pasioni, arritjet tuaja do t’i kalojnë pritshmëritë”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0