Anchor Brewing Company, birra artizanale më e vjetër në Amerikë e themeluar në San Francisco në vitin 1896, po mbyllet pas 127 vitesh. Kompania, e njohur si pionier në lëvizjen e birrave artizanale, ka cituar rënien e shitjeve si arsye për mbylljen e saj.
Giganti i prodhimit të birrës japoneze Sapporo, i cili bleu Anchorin në vitin 2017, ka deklaruar se përpjekjet për të rikthyer markën kanë dështuar. Vendimi për të ndaluar veprimtarinë ishte ndikuar nga impakti i pandemisë, inflacioni dhe konkurrenca e fortë në tregun e San Francisco-s.
Lexo:Multimiliarderi kinez i Alibaba, Jack Ma, viziton Tiranën
Anchor Brewing ka luajtur një rol të rëndësishëm në popullarizimin e birrave artizanale përtej zonës së saj të shitjes, duke ofruar një alternativë të dallueshme nga birrat kryesore të tregut. Pavarësisht përpjekjeve për të rikthyer shitjet, të ardhurat e kompanisë u zvogëluan nga 12 milionë dollarë në 10 milionë dollarë vitin e kaluar.
Shitjet e birrave artizanale kanë qenë një pjesë e rëndësishme e tregut të birrës në SHBA, por industria është ballafaquar me sfida si rezultat i rritjes së popullaritetit të koktejleve të paketuara paraprakisht. Anchor Brewing ka ndaluar prodhimin e birrës, por do të vazhdojë paketimin dhe shpërndarjen e inventarit të tij të mbetur deri në fund të korrikut. Kompania shpreson të gjejë një blerës gjatë procesit të likuidimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
