ALBtelecom hap një derë për talentet e reja përmes programit SuperGeneration - Business Magazine Albania

ALBtelecom hap një derë për talentet e reja përmes programit SuperGeneration


ALBtelecom përmes SuperGeneration hap një derë për talentet e reja. Nëse jeni një i ri i talentuar në fushën e teknologjisë së informacionit, keni shpirtin e garës dhe ide për të iniciuar në mënyrë individuale, ose në grup një startup tuajin, atëherë është koha t’i bashkoheni programit SuperGeneration. Keni një ide biznesi? Një ide për një aplikacion inovativ mobile? Një ide për një zgjidhje të re për komunitetin, apo që do të entuziazmonte konsumatorët? Atëherë jeni në vendin dhe kohën e duhur!

FAZA 1: NDANI IDENË TUAJ

Keni një ide mbresëlënëse? Një vizion që askush nuk e ka? Atëherë jeni në vendin e duhur. Për të zhvilluar dhe pasuruar idenë tuaj si dhe për të fituar çmime, gjëja e parë që duhet të bëni është të dërgoni prezantimin e idesë suaj.

FAZA 2: HACKATHON

Qëllimi i organizimit të një Hackathon është mbledhja e talenteve me background teknik apo biznesi, të cilët në skuadra zgjidhin probleme dhe zhvillojnë këto ide. Përgjatë hackathon-eve, ju do të mund të ndërtoni skuadra, trajnoheni për të zhvilluar idenë tuaj dhe të mësoni se si ta vini në jetë atë nga mentorë të apasionuar të fushës.

FAZA 3: ÇMIMET

Çmimi i madh i jurisë VIP me një vlerë 2000 Euro. Dhjetë idetë më të mira inovatore dhe sipërmarrëse do të prezantohen për publikun përmes videove të shkurtra, që do të votohen nga publiku. Çmimi i publikut ka një vlerë 500 Euro. Plot çmime dhe surpriza interesante ju presin.

Kategoritë

Ide tregtare – Ide që kanë potencial për t’u bërë biznese të suksesshme tregtare. Ide që janë inovatore, kanë potencial në treg dhe shtojnë vlerë, ide për të cilat njerëzit do të ishin të gatshëm të paguanin.

Ide me ndikim social – Ide që do të kenë një ndikim pozitiv dhe ofrohen në shërbim të komunitetit tonë. Kjo mund të jetë një ide mjedisore, sociale ose ide tjetër jofitimprurëse që ndihmon ata që kanë më shumë nevojë për mbështetjen e të gjithëve (biznese sociale, aplikacione, platforma online, solutions etj).

Ide krijuese – Ide strategjike për një produkt të ri, vizion, apo një mënyrë për ta bërë qytetin dhe jetën tonë më të gjallë, ndërvepruese dhe interaktive. Ide që do t’i vinin në ndihmë njerëzve krijues apo korporatave të ndryshme të arrijnë audienca apo segmente të reja në treg në kërkim të suksesit.

Për të aplikuar me idenë tuaj klikoni Këtu! Afati i fundit i aplikimit është deri më 12 Dhjetor 2018.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0